Viral Video: लग्न हे प्रत्येक मुलीच्या आयुष्यातील सर्वात सुंदर क्षण असतो. प्रत्येक मुलगा किंवा मुलगी आपल्या लग्नाचे स्वप्न पाहतात. आपला भावी जोडीदार कसा असेल याची कल्पना करतात आणि जेव्हा हे स्वप्न सत्यात उतरते तेव्हा त्यापेक्षा आनंदाची गोष्ट दुसरी कोणतीही असू शकत नाही. अरेंज असो की लव्ह, लग्न करताना प्रत्येक मनासारखा जोडीदार मिळावा अशी प्रत्येक मुला, मुलीची इच्छा असते. परंतु आता एक असा व्हिडीओ व्हायरल होतोय ज्यात वर आपल्या पत्नीवर हात उचलताना दिसतोय.
सोशल मीडियावर लग्नातील वधू-वरांचे अनेक व्हिडीओ आपल्याला पाहायला मिळतात, ज्यात दोघंही लग्नासाठी अतिशय उत्सुक असतात. शिवाय हल्ली अनेक कपल्सच्या लग्नातील डान्सचे व्हिडीओ देखील व्हायरल होत असतात. परंतु आता असा एक व्हिडीओ व्हायरल होतोय जो व्हिडीओ पाहून तुम्हीही अवाक् व्हाल.
या व्हायरल व्हिडीओमध्ये तुम्ही पाहू शकता, वर-वधूचे लग्न संपन्न झालं असून यावेळी त्यांचे मित्र दोघांना डान्स करण्यासाठी आग्रह करतात. यावेळी वधू वराचा हात हातात घेऊन नाचायला सुरूवात करते. परंतु यावेळी वराला राग येतो, तो तिला दूर करतो आणि मुद्दाम तिचा हात पकडून गोल गोल फिरवतो, त्यानंतर ती खाली पडते. पण त्यानंतरही तो तिला मारहाण करतो. यावेळी आजूबाजूला उभे असलेले लोक त्याला थांबण्याचा प्रयत्न करतात. दरम्यान, हा व्हायरल होत असलेला व्हिडीओतील प्रसंग मुद्दाम घडवून आणल्याचे म्हटले जात आहे.
पाहा व्हिडीओ:
हा व्हिडीओ इन्स्टाग्रामवरील @mahaparv_news या अकाउंटवर शेअर करण्यात आला असून या व्हिडीओवर आतापर्यंत अनेक व्ह्यूज आणि अनेक लाइक्स मिळाल्या आहेत. तसेच अनेक युजर्स या व्हिडीओवर कमेंट्सदेखील करताना दिसत आहेत. यावर एका युजरने लिहिलंय की, “संसार बसण्याआधी उद्ध्वस्त केला गड्याने”, तर दुसऱ्या युजरने लिहिलंय की, “बिचाऱ्या नवरीने नवऱ्याच्या पाठीवर चिमटा काढला ते नाही दिसलं का?”, तर तिसऱ्याने लिहिलंय की, “फेमस होण्यासाठी नाटकं”, तर चौथ्या युजरने लिहिलंय की, “मलाही या शाळेत जायचंय.”
