Viral Video: लग्न हा प्रत्येक व्यक्तीच्या आयुष्यात खूप सुंदर आणि आयुष्य बदलणारा क्षण असतो, त्यामुळे या दिवशी वधू आणि वर त्यांच्या आयुष्यभर लक्षात राहतील अशा गोष्टी करण्याचा प्रयत्न करतात. सुंदर कपडे, दागिने, मेकअप यासह डान्स, फोटोशूट अशा अनेक गोष्टींची आधीपासून तयारी केली जाते. आजपर्यंत अनेक लग्नांमधील काही हटके घटना आपण सोशल मीडियावर मोठ्या प्रमाणात व्हायरल झालेल्या पाहिल्या असतील. आतादेखील असाच एक व्हिडीओ सोशल मीडियावर व्हायरल होतोय.
सध्या लग्नसराईचे दिवस सुरू असून सोशल मीडियावर लग्नातील हटके रील्स, व्हिडीओ आणि फोटो सतत व्हायरल होत असतात. या व्हायरल होणाऱ्या व्हिडीओंमध्ये लग्नातील अनेक गमतीजमती, अनोख्या प्रथा, हटके उखाणे आपल्याला पाहायला मिळतात. सध्या असाच एक भन्नाट व्हिडीओ मोठ्या प्रमाणात व्हायरल होत आहे, ज्यात नवीन जोडपं वरातीत धमाकेदार डान्स करताना दिसत आहेत.
या व्हायरल व्हिडीओमध्ये तुम्ही पाहू शकता, लग्न पार पडल्यानंतर वर आणि वधू लग्नाच्या वरातीत डान्स करताना दिसत आहेत. यावेळी त्यांचा डान्स सुरू होण्यापूर्वी ‘तारक मेहता का उल्टा चश्मा’ या हिंदी मालिकेतील जेठालाल आणि दया या पात्रांमधील एका विनोदी संवादावर ते अभिनय करताना दिसतात. त्यानंतर ‘पुष्पा २’ मधील सुसेकी हे गाणं सुरू होतं, यावर दोघेही सुंदर डान्स करतात. त्यांचा हा डान्स पाहून आसपास उभे असलेले लोकही अवाक् होतात. सध्या त्यांचा हा व्हिडीओ सोशल मीडियावर खूप व्हायरल होत आहे.
पाहा व्हिडीओ:
व्हिडीओ इन्स्टाग्रामवरील @real_funny_adi या अकाउंटवर शेअर केला असून, याला आतापर्यंत एक लाखांहून अधिक व्ह्युज आणि अनेक लाइक्स मिळाल्या आहेत. यावर अनेक युजर्स कमेंट्स करत आहेत.
एका युजरने कमेंटमध्ये लिहिलंय की, ‘खूप छान’, तर दुसऱ्या युजरने लिहिलंय की, ‘नाद लागतो….कोणाचंपण काम नाय’, तर आणखी एकाने लिहिलंय की, ‘कमाल केली या दोघांनी.’
