viral Video: विविध सणांनुसार बाजारात नवनवीन स्टाईलचे कपडे ग्राहकांसाठी उपलब्ध असतात. त्यामध्ये पारंपरिक, वेस्टर्न आदी अनेक प्रकार असतात. तुम्ही आतापर्यंत जुन्या साडीचे ड्रेस, गाउन शिवलेलं तुम्ही पाहिले असतील. पण, तुम्ही कधी गोणीपासून कुर्ता आणि पायजमा शिवलेला पहिला आहे का? नाही… तर सध्या सोशल मीडियावर असाच एक व्हिडीओ व्हायरल होत आहे. त्यात एका तरुणाने गोणीपासून कुर्ता आणि पायजमा तयार केला आहे. व्हायरल व्हिडीओ एका दुकानातील आहे. व्हिडीओत तरुणाच्या हातात गोणी असते. तरुण सगळ्यात आधी व्हिडीओत गोणी दाखवतो आणि नंतर त्याच गोणीपासून तयार केलेला आकर्षक कुर्ता आणि पायजमा घालून समोर येतो. अन्नधान्य ठेवणाऱ्या गोणीचा असाही वापर केला जाऊ शकतो याचा आजवर कोणी विचार केला नसेल. एकदा पाहाच गोणीपासून तयार केलेला आकर्षक पारंपरिक पोशाख. हेही वाचा…VIDEO: उन्हाळ्यात कलिंगडाचे थंडगार सरबत कसे बनवाल? ‘हा’ पाहा आजीबाईंचा उपाय; कोणत्याही इलेक्ट्रिक वस्तूची गरज नाही व्हिडीओ नक्की बघा… https://www.instagram.com/reel/C5d7BMHMC73/?utm_source=ig_embed&ig_rid=51ae0f38-0103-4314-ad4c-65684f3c7a15 व्हिडीओत तुम्ही पाहिलं असेल की, गोणीपासून बारकाईने तयार केलेला हा कुर्ता सेट अगदीच आकर्षक आहेत. गोणीपासून तयार केलेल्या कुर्त्याला कॉलर, त्याची बटणं तर मॅचिंग पायजम्याने (पँट) तर तरुणाच्या लूकची शोभा वाढवली आहे. दुकानात मिळणाऱ्या जे पाहून तुम्ही थक्कच व्हाल आणि कौतुक कराल एवढं नक्की. सोशल मीडियावर हा व्हायरल व्हिडीओ @fashiongalaxy123 या इन्स्टाग्राम अकाउंटवरून शेअर करण्यात आला आहे. व्हिडीओ पाहून नेटकरी तरुणांच्या कौशल्याचे व गोणी पासून बनवलेल्या या खास कुर्ता-पायजमाच्या रचनेचं विविध शब्दात कौतुक करताना कमेंटमध्ये दिसून आले आहेत. एकूणच सोशल मीडियावर या व्हिडीओने अनेकांच लक्ष वेधून घेतलं आहे.