सोशल मीडियावर अपघाताचे थरारक व्हिडीओ नेहमी व्हायरल होत असतात दरम्यान सध्या दोन पुलाच्या मधोमध अडकलेल्या बसचा व्हिडीओ चर्चेत आला आहे. व्हायरल व्हिडीओ कर्नाटकातील आहे. बेंगळुरू-तुमाकुरू महामार्गावरील उड्डाणपुलावरून कर्नाटक राज्य मार्ग परिवहन महामंडळाची बस पुलावर कोसळता कोसळता थोडक्यात बचावली. सुमारे ४० फूट उंचीवरून ही बस अडकल्याचा असल्याचा व्हिडिओ व्हायरल झाला आहे.

१८ मे रोजी सकाळी नेलमंगलाजवळील मदननायकनहल्ली पुलाजवळ हा अपघात झाला. सोमवारपेठहून बेंगळुरूला सुमारे ४० प्रवासी घेऊन बस जात होती. मिळालेल्या माहितीनुसार, चालकाने कारला धडक देणे टाळण्याचा प्रयत्न केल्याने बस पुलाच्या मधोमध जाऊन अ़डकली. शेजारी उड्डाणपुलाच्या कठड्यावर बस आदळल्याने बस खाली पडली नाही. बसचा चालक आणि कंडक्टरसह आठ जण किरकोळ जखमी झाले आहेत. पोलिसांनी तातडीने सर्वांना बसमधून सुखरूप उतरण्यास मदत केली, मात्र अपघातामुळे सुमारे तासभर मोठी वाहतूक कोंडी झाली होती.

व्हायरल व्हिडिओ येथे पहा:

हेही वाचा – “शिंगाने जोरात दिली धडक अन्…..”, बैलाला खाऊ घालणे महिलेला पडले महागात! हल्ल्याचा थरारक Video Viral

व्हिडिओ पाहिल्यानंतर एका इंस्टाग्राम वापरकर्त्याने लिहिले, “त्यांनी संपूर्ण भारतातील सार्वजनिक वाहतूक बसेसवर वेग मर्यादा सेट केली पाहिजे.” आणि दुसरा वापरकर्ता म्हणाला, “आश्चर्य नाही. बंगलोरमध्ये प्रत्येकजण अशा प्रकारे गाडी चालवतो.” तिसरा म्हणाला, “बहुतांश केएसआरटीसी आणि बीएमटीसी चालक कर्तव्यात निष्काळजीपणा करत आहेत.” चौथा म्हणाला,”अरे देवा, Ksrtc बस चालक कधीच कोणाचा विचार करणार नाहीत…” पाचवा म्हणाला, सर तुम्हाला येथे पार्किंग करण्यास परवानगी नाही.” आणखी एकाने लिहिले की,”Ksrtc – bmtc बस ड्रायव्हर्स ब्रेक वापरत नाहीत. ही पहिलीच वेळ नाही. आशा आहे की त्यांनी ब्रेकचा वापर करावा. प्रत्येक वेळी जेव्हा तुम्ही क्रॉस रोड करण्याचा प्रयत्न करता तेव्हा बस ड्रायव्हर्स या परिस्थितीत समान वेग राखून तुम्हाला मिनी हार्ट अटॅक देतात.”

हेही वाचा – किळसवाणा प्रकार! चिकन तळण्याच्या जाळीने काढला जातोय गटारातील कचरा, धक्कादायक Video Viral