Viral Video: हल्लीची ही मुलं सोशल मीडियावरील बदलत्या ट्रेंडनुसार वागताना, बोलताना दिसतात. सोशल मीडियाप्रति मुलांमध्ये खूप उत्सुकता आणि आकर्षण आहे. मोठ्यांप्रमाणेच लहान मुलंदेखील सोशल मीडियाच्या माध्यमातून आपली कला सादर करताना दिसतात. आतापर्यंत आपण अनेक व्हायरल व्हिडीओ पाहिले आहेत. दरम्यान, आता अशाच एका गोड चिमुकलीचा व्हिडीओ व्हायरल होतोय, जो खूप चर्चेत आला आहे.
हल्लीच्या लहान मुलांना अभिनय, नृत्य या क्षेत्रांत आपलं नाव मोठं करायचं आहे. रील्समुळे हे प्रमाण दिवसेंदिवस वाढत चाललं आहे. पूर्वी लहान मुलांना मोठेपणी तुम्ही काय होणार, हे विचारल्यावर मुलं डॉक्टर, वकील, शिक्षक, पोलिस अशी उत्तरं द्यायची. पण, हल्लीची मुलं, अभिनेत्री किंवा रील्स स्टार, यूट्युबर व्हायचंय, असं सांगतात. सोशल मीडियावर लहान मुलांच्या अभिनयाचे अनेक सुंदर व्हिडीओ व्हायरल होत असतात.
सोशल मीडियावर कधी कुठलं गाणं मोठ्या प्रमाणात चर्चेत येईल, हे सांगता येत नाही. या चर्चेत असलेल्या गाण्यांवर प्रत्येक वयोगटातील लोक, मोठमोठे कलाकारही ठेका धरताना दिसतात. हल्ली कधी ‘स्वप्नात आली राणी मुखर्जी’, हे गाणं तर कधी , ‘तेरे आने से’ हे हिंदी जुनं गाणं खूप चर्चेत आहे. ज्यावर एक चिमुकली ठेका धरताना दिसतेय.
या व्हायरल व्हिडीओमध्ये तुम्ही पाहू शकता, एक चिमुकली ‘तेरे आने से’ या सध्या चर्चेत असलेल्या जुन्या हिंदी गाण्यावर डान्स करताना दिसत आहे. यावेळी तिच्या चेहऱ्यावरील हावभाव आणि डान्स स्टेप्सही अनेकांचे लक्ष वेधून घेत आहेत.
पाहा व्हिडीओ:
हा व्हिडीओ इन्स्टाग्रामवरील @samairathapa.official या अकाउंटवरून शेअर करण्यात आला आहे. त्यावर आतापर्यंत एक एक मिलियनहून अधिक व्ह्युज आणि अनेक लाइक्स मिळाल्या आहेत. त्यावर अनेक युजर्स कमेंट्स करीत आहेत. एका युजरने कमेंटमध्ये लिहिलेय “व्वा किती छान नाचली” आणखी एकाने लिहिलेय, “मस्त” आणखी एकाने लिहिलेय, “खूप क्यूट.”
