scorecardresearch

मेट्रो स्टेशनवर महिलेला अचानक सुरू झाल्या प्रसूती वेदना, मदतीसाठी पुढे आल्या महिला व CISF अधिकारी

मेट्रो स्टेशनवर एका २२ वर्षीय महिलेने महिला CISF कर्मचारी आणि इतर महिला प्रवाशांच्या मदतीने एका मुलाला जन्म दिला आहे.

(photo credit: twitter/ @CISFHQrs)

दिल्ली येथे गुरुवारी आनंद विहार मेट्रो स्टेशनवर एका २२ वर्षीय महिलेने महिला CISF कर्मचारी आणि इतर महिला प्रवाशांच्या मदतीने एका मुलाला जन्म दिला. प्लॅटफॉर्म क्रमांक तीनवर मेट्रोची वाट पाहत उभ्या असलेल्या महिलेला प्रसुतीवेदना गेल्याची घटना दुपारी ३.२५ च्या सुमारास घडली. शिफ्ट इनचार्जच्या सूचनेवरून सीआयएसएफ कॉन्स्टेबल अनामिका कुमारी तातडीने घटनास्थळी पोहोचल्या. इतर महिला प्रवाशांच्या मदतीने त्यांनी प्रसूती झालेल्या महिलेला प्लॅटफॉर्मवरच बाळंतपणासाठी मदत केली.

मेट्रो स्टेशनवर महिलेची तातडीची प्रसूती

एका ट्विटमध्ये CISF ने लिहिले की, ‘CISF जवानांच्या तत्पर प्रतिसादामुळे आनंद विहार ISBT मेट्रो स्टेशनवर प्रसूती वेदनांनी ग्रस्त असलेल्या महिलेला आपत्कालीन प्रसूतीमध्ये मदत करण्यात आली. नवजात बालकासह आईला रुग्णालयात हलवण्यात आले.

या घटनेची सीआयएसएफच्या अधिकाऱ्याने दिली ही माहिती

CISF अधिकाऱ्याने सांगितले की, “दुपारी ३.२५ वाजता आनंद विहार मेट्रो स्टेशनच्या प्लॅटफॉर्म क्रमांक ३ वर मेट्रोची वाट पाहत असताना एका महिला प्रवाशाला प्रसूती वेदना झाल्या. तेथे तैनात असलेल्या सीआयएसएफच्या जवानांनी शिफ्ट प्रभारींना या प्रकरणाची माहिती दिली. महिलेला बाळंतपणासाठी मदत करण्यासाठी दलातील महिला कॉन्स्टेबल अनामिका कुमारी यांना तातडीने घटनास्थळी पाठवण्यात आले.

प्रसूतीनंतर आई आणि बाळाला रुग्णालयात पाठवले

काही वेळातच आई आणि तिच्या नवजात बाळाला रुग्णवाहिकेद्वारे जवळच्या रुग्णालयात हलवण्यात आले. महिलेने आणि तिच्या पतीने सीआयएसएफ जवानांना त्यांच्या तत्पर प्रतिसादासाठी आणि कठीण काळात आवश्यक असलेल्या मदतीबद्दल आभार मानले, असे निवेदनात म्हटले आहे.

सीआयएसएफ अधिकारी यांना दहशतवादविरोधी संरक्षण देण्यासाठी राष्ट्रीय राजधानी क्षेत्रामध्ये दिल्ली मेट्रो नेटवर्कमध्ये तैनात करण्यात आले आहे. देशभरातील विमानतळ आणि रेल्वे स्थानकांच्या सुरक्षेची जबाबदारीही सीआयएसएफकडे सोपवण्यात आली आहे.

मराठीतील सर्व ट्रेंडिंग ( Trending ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Woman had labor pain at anand vihar metro station cisf team came for delivery of child scsm

ताज्या बातम्या