भाईंदरच्या आझाद नगर मध्ये झोपडपट्टीला भीषण आग, अग्निशमन दलाकडून नियंत्रण मिळविण्याचे काम सुरू

भाईंदर : भाईंदर पूर्वेच्या आझाद नगर झोपडपट्टीत बुधवारी पहाटे पाच वाजता भीषण आग लागली आहे. या आगीत तीस हून अधिक झोपड्या जळून खाक झाल्या आहेत. या आगीमुळे सिलेंडरचा स्फोट होऊन एकाचा मृत्यू झाला आहे. दीपक उर्फ पप्पू चौरसिया (४२) असे मृताचे नाव आहे. याशिवाय दोन अल्पवयीन लहान मुलं ही आगीत किरकोळ जखमी झाले आहेत.

आणखी वाचा

शेवटच्या कसारा, कर्जत लोकलच्या वेळा बदलल्याने प्रवासी नाराज

Bigg Boss Marathi 5: सर्व एलिमिनेटेड सदस्यांची घरात…

Narhari Zhirwal : VIDEO : पेसा भरतीच्या मुद्द्यावरून नरहरी झिरवळांसह आदिवासी समाजाच्या आमदारांचा आक्रमक पवित्रा; मंत्रालयातील संरक्षक जाळीवर मारल्या उड्या

तामिळनाडूमधील कुख्यात गुंडाला मुंबईत अटक; हत्या, हत्येच्या प्रयत्नासारखे अनेक गुन्हे दाखल

Delhi Police : “आज त्याला संपवूया”, कॉन्स्टेबलला गाडीखाली चिरडणाऱ्या आरोपींच्या पोलिसांनी मुसक्या आवळल्या

डोंबिवली मोठागाव खाडी किनारी डेब्रिजचे,भराव टाकून खाडी बुजविण्याच्या हालचाली

मध्य रेल्वेचा ‘पांढरा हत्ती’ प्रवाशांसाठी त्रासदायक; वातानुकूलित लोकलच्या दहा फेऱ्या रद्द

पुणे : चार तासांच्या अथक प्रयत्नांनंतर ट्रक आणि दुचाकी खड्ड्याबाहेर, पेव्हर ब्लॉक खचल्याने घडली घटना

भाईंदर पूर्व येथील  फाटक रोड भागात अनेक वर्षापासून आझाद नगर झोपडपट्टी उभी राहिली आहे. या झोपडपट्टीत काही रहिवासी घरे व भंगारची दुकाने आहेत. बुधवारी सकाळी अचानकपणे पाचच्या सुमारास  येथील झोपडपट्टीमध्ये आग लागली आणि काही वेळातच ही आग सर्वत्र पसरून  जवळपास तीस अधिक घरे यात जळाली आहेत. आगीचे लोट आकाशात उंच दिसून येत असल्यामुळे परिसरात भीतीचे वातावरण पसरले आहे.

आणखी वाचा-नालासोपाऱ्यात भिंत कोसळून एका मजुराचा मृत्यू; ४ मजूर गंभीर जखमी

याची माहिती महापालिकेच्या अग्निशमन दलाला मिळताच घटनास्थळी पोहचून आगीवर नियंत्रण मिळविण्याचे काम सुरू आहे. अग्निशमन विभागाच्या दहा गाड्या घटनास्थळी दाखल असल्याची माहिती अग्निशमन अधिकारी प्रकाश बोराडे यांनी दिली आहे.तर आगीवर नियंत्रण मिळविण्याचे काम सुरू पुढील उपाययोजना करण्याचे काम सुरू असल्याची माहिती महापालिका आयुक्त संजय काटकर यांनी दिली आहे. शॉर्टसर्किटमुळे ही आग लागली असल्याचा प्राथमिक अंदाज वर्तविला जात आहे.

अग्निशमन दलाचे तीन जवान जखमी

भाईंदरमध्ये झोपडपट्टीमध्ये लागलेली आग ही अतिशय भीषण होती. आगीची तीव्रता अधिक असल्याने आगीवर नियंत्रण मिळविण्यासाठी अग्निशमन दलाला शर्थीचे प्रयत्न करावे लागले. यावेळी बचाव कार्य करीत असताना तीन अग्निशमन दलाचे जवान जखमी झाले असल्याची माहिती अग्निशमन विभागाचे अधिकारी प्रकाश बोराडे यांनी दिली आहे.