नोटाबंदी हा यंदाच्या वर्षातील सर्वात मोठा घोटाळा असल्याचे सांगत माजी केंद्रीय अर्थमंत्री पी. चिदंबरम यांनी मंगळवारी केंद्र सरकारवर जोरदार हल्ला चढवला. नोटाबंदीच्या घोटाळ्याची चौकशी होणे गरजेचे असल्याचे त्यांनी यावेळी म्हटले. ते मंगळवारी नागपूर येथील पत्रकार परिषदेत बोलत होते. यावेळी चिदंबरम यांनी सरकारचा नोटाबंदीचा निर्णय कशाप्रकारे चुकीचा आहे, याविषयी सविस्तर भाष्य केले.