सायन-कोळीवाडा येथे खासगी क्लिनिक चालवणारे बालरोगतज्ज्ञ डॉ. रोहित नार्वेकर यांना करोनाच्या काळातही न डगमगता सेवा देत असताना नकळत त्यांनाही करोनाची बाधा झाली. चार-पाच दिवस अंगात ताप असल्याने त्यांना मुलुंडच्या फोर्टिस रुग्णालयात अतिदक्षता विभागात ठेवावे लागले. त्यानतंर ११ दिवसांनी तीव्र इच्छाशक्तीच्या जोरावर त्यांनी करोनावर यशस्वी मात केली आणि १२ व्या दिवशी ते पूर्णपणे बरे होऊन आपल्या घरी परतले. यावेळी या करोना योद्ध्याला सलाम करताना त्यांच्या मित्र-परिवाराने आणि सोसयटीतल्या लोकांनी त्यांचे फुलांच्या वर्षावात, टाळ्यांच्या गजरात जंगी स्वागत केले.