Amol Kolhe: दिलीप वळसे पाटलांवर टीका अन् अमोल कोल्हेंचं आवाहन; नेमकं काय घडलं? | Bhosari

महाविकास आघाडीतील राष्ट्रवादी काँग्रेस शरदचंद्र पवार पक्षाचे उमेदवार खासदार अमोल कोल्हे यांच्या सुसंस्कृत व्यक्तिमत्वाचा पुन्हा एकदा प्रत्यय आला. खासदार अमोल कोल्हे रविवारी भोसरी विधानसभेतील इंद्रायणीनगर भागात गाव भेट दौऱ्यावर होते. यावेळी निओ रिगल सोसायटीत मतदारांना भेटत असताना त्यांचं उत्साहात स्वागत करण्यात आलं. खासदार कोल्हे यांच्या स्वागतानंतर सोसायटीतील रहिवासी आपलं मनोगत मांडत होते. त्याचवेळी एका जेष्ठ नागरिकाने आपल्या मनातील खदखद व्यक्त केली. त्यावेळी अमोल कोल्हे यांनी केलेल्या कृतीचं कौतुक होत आहे.