फ्रेश एॅज मॉर्निग डय़ू : या प्रकारचा मेकअप सकाळी खूप छान दिसतो. कमीत कमी फाऊंडेशन व वॉटरप्रूफ मस्कारा डोळ्याला लावावा. गालाला हलकेच रंगवा व ओठांना कोरल लिपग्लॉस लावा. द नियॉन इफेक्ट : पावसाळ्यात आपली त्वचा डिहायड्रेटेड असणे आवश्यक असते. तसेच वॉटरप्रूफ मेकअप करणे पण तेवढेच महत्त्वाचे. डोळ्यांना जास्त मेकअप न करता साधा वॉटरप्रूफ मस्काऱ्याचा एक कोट लावा. गालांना पण थोडाच मेकअप करा. ओठांना मात्र ब्राइट नियॉन रंगाची लिपस्टिक लावा. हा मेकअप दिवसभर टिकेल. फंक अ‍ॅण्ड फन : डोळ्याभोवतालची काळी वर्तुळे किंवा चेहऱ्यावरचे काळे डाग झाकण्यासाठी चेहऱ्याला कन्सिलर लावा. त्याचबरोबर रंगीबेरंगी आयपेन्सिलही लावू शकता. डोळ्यांच्या कोपऱ्याला स्मोकी लुक देऊ शकता. निळा, हिरवा, गुलाबी व नारंगी रंगांचे कपडे अशा मेकअपवर शोभून दिसतात .गालाला पण हलकाच मेकअप करा व ओठांनादेखील थोडीशी लिपस्टिक लावावी. स्मोक इन हॉट : हा मेकअप संध्याकाळसाठी आहे. डोळ्यांच्या पापण्यांवर, डोळ्याखाली व डोळ्याच्या कोनांना डार्क ब्राऊन रंगाची आयश्ॉडो लावावी. तुम्ही हिरव्या रंगाचा प्रयोगदेखील करू शकता. मान्सून स्पेशल हिरवा रंग हा या वर्षांचा नवीन रंग आहे. डोळ्यांच्या पापण्यांवर किंचित व्हाइट गोल्ड शिमर वापरा. ज्यामुळे डोळ्यांचा मेकअप उठून दिसेल. अधिक उठावदार बनवण्यासाठी काळ्या रंगाचे वॉटरप्रूफ काजळ व मस्कारा लावावा. हे केल्यास डोळे खूप सुंदर दिसतात. हलक्या गुलाबी रंगाचे रुज गालाला लावावे. तसेच फिक्या रंगाची लिपस्टिक लावल्यास हा मेकअप खुलून दिसेल. काही टिप्स * हायजीन आणि मान्सून - पावसाळ्यात मेकअपचे ब्रश स्वच्छ ठेवणे गरजेचे आहे. कोरडय़ा व थंड जागी ब्रश ठेवावे. * चेहऱ्यावरचे तेल कमी करण्याकरता ब्लॉटिंग पेपरचा वापर करावा. ब्लॉटिंग पेपरऐवजी पावडर वापरू नये. * आकर्षक रंगाचे, ब्राइट व फ्रेश डिझाइनचे रेनकोट्स व छत्र्यांचा वापर करावा. * त्वचा तजेलदार राहण्याकरता वॉटर बेस्ड मॉइश्चरायझरचा वापर करावा. पाण्यापासून मेकअपचा बचाव * चेहऱ्यावरचे तेल कमी करण्याकरता ब्लॉटिंग पेपरचा वापर करावा. ब्लॉटिंग पेपरऐवजी पावडर वापरू नये. * वॉटरप्रूफ काजळ, आयलायनर तसेच मस्काऱ्याचा वापर करा. * मेकअप करण्यापूर्वी थंड पाण्याने तोंड धुऊन घ्या. बरोबर असाव्यात अशा आवश्यक गोष्टी * ब्लॉटिंग पेपर. * वॉटर बेस्ड मॉइश्चरायझर. * ट्रान्स्लूसंट मिनरलाइज्ड पावडर. * वॉटरप्रूफ मस्कारा व आयलायनर.
