तामसा पोलीस ठाण्याचा कर्मचारी लाचखोरीच्या आरोपावरून पोलीस कोठडीत असताना बुधवारी कंधार पोलीस ठाण्यातील पोलीस जमादाराला ३ हजार रुपयांची लाच घेताना लाचलुचपत प्रतिबंधक विभागाने पकडले.
दोन आठवडय़ांपूर्वी पोलीस निरीक्षक उद्धव िशदे याला लाच घेताना पकडले होते. दोन दिवसांपूर्वी तामसा पोलीस ठाण्यातल्या जमादाराला पकडल्यानंतर बुधवारी कंधार पोलीस ठाण्यातील जमादार बाबू सखाराम जाधव याला ३ हजार रुपयांची लाच घेताना रंगेहाथ पकडले.
कंधार तालुक्यातल्या पोखर्णी येथील निवृत्त सनिक विक्रम कल्याण कस्तुरे यांच्या पत्नीला मारहाण झाली. ३ जूनला हा प्रकार घडल्यावर त्यानी कंधार पोलिसांत तक्रार नोंदवली. आरोपींना अटक करावी, असा आग्रह कस्तुरे यांनी धरला होता. मात्र, या प्रकरणाचा तपास करणाऱ्या जमादार जाधव याने त्यासाठी ३ हजार रुपयांची लाच मागितली होती.

First Published on July 18, 2013 1:49 am