News Flash

‘टाटा लिटरेचर फेस्ट’ला मुंबईत सुरुवात

‘टाटा लिटरेचर लाइव्ह’तर्फे नरिमन पॉइंटच्या ‘एनसीपीए’च्या सभागृहात आयोजित करण्यात आलेल्या ‘मुंबई लिट फेस्ट-२०१३’ला सुरुवात झाली असून हा महोत्सव १७

| November 15, 2013 06:42 am

‘टाटा लिटरेचर लाइव्ह’तर्फे नरिमन पॉइंटच्या ‘एनसीपीए’च्या सभागृहात आयोजित करण्यात आलेल्या ‘मुंबई लिट फेस्ट-२०१३’ला सुरुवात झाली असून हा महोत्सव १७ नोव्हेंबपर्यंत सुरू राहणार आहे. याच महोत्सवात इंग्रजीतून लिहिणाऱ्या भारतीय लेखकांना पुरस्कार देऊन गौरविण्यात येणार आहे.
पुस्तक पुरस्कारासाठी दोन्ही गटात मिळून सहा लेखकांचा समावेश आहे. महोत्सवाच्या ठिकाणी बोरिया मुजुमदार यांनी तयार केलेले क्रिकेटच्या आठवणीवरील प्रदर्शनाचे आयोजन करण्यात आले आहे. या महोत्सवासाठी साहित्यप्रेमी आणि रसिकांना विनामूल्य प्रवेश असून लेखक-प्रकाशक संवाद, साहित्यावर आधारित कथा, कविता यांचे सादरीकरण, चर्चासत्रे, पुस्तक प्रकाशन, छायाचित्र प्रदर्शन, कला प्रदर्शन असे विविध कार्यक्रम होणार आहेत.
पुस्तकासाठी देण्यात येणाऱ्या पुरस्कारांची अंतिम निवड यादी. या पैकी दोन्ही गटातून प्रत्येकी एकाची निवड केली जाणार असून त्याची घोषणा समारोहाच्या सांगता समारंभात केली जाणार आहे.
काल्पनिक कथा-कादंबरी गट- चेतनराज श्रेष्ठ (द किंग्ज हार्वेस्ट), शोवन चौधरी (द कॉम्पिटंट अॅथॉरिटी), श्रीकुमार सेन (द स्किनिंग ट्री) वास्तवावर आधारित कथा-कादंबरी गट- अनन्या वाजपेयी (राईट्स रिपब्लिक), साबा नक्वी (इन गुड फेथ), पीटर स्मेटासेक (बटरफ्लाईज ऑन द रुफ ऑफ द वर्ड)
या पुरस्कारांसांठी मार्क टुली, संतोष देसाई, दिलीप पाडगावकर, आशुतोष पांडेय आणि अनिल धारकर यांनी परीक्षक म्हणून काम पाहिले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 15, 2013 6:42 am

Web Title: tata literature fest started in mumbai
टॅग : Mumbai News
Next Stories
1 ‘घर’खरेदीला अजूनही कुलुपच!
2 सर, एवढं तरी कराच..
3 सूर्य देणार मग कमी कसे पडणार!
Just Now!
X