वीज पडल्याने सोमवारी गिरगाव (ता.पन्हाळा) येथे एकाचा मृत्यू झाला. तर एक महिला जखमी झाली. भिकाजी बाळू मेढे (वय ५८) यांच्या अंगावर वीज कोसळल्याने ते जागीच ठार झाले. तर रेखा नारायण पाटील (वय ४०) या जखमी झाल्या. त्यांना उपचारासाठी छत्रपती प्रमिलाराजे रुग्णालयात दाखल करण्यात आले आहे. दरम्यान, सोमवारी सायंकाळी झालेल्या पावसाने मंगल भाऊसाहेब पवार (वय ४०, रा.चन्नेकुप्पी, ता.गडिहग्लज) ही महिला अंगावर वीज कोसळल्याने जागीच ठार झाली.
