विवाहितेने जाळून घेतल्याच्या गुन्ह्य़ात सहआरोपी न करण्यासाठी २० हजार रुपयांची लाच घेताना पकडण्यात आलेला सिरसाळा पोलीस ठाण्याचा फौजदार शिवाजी िशदे याला न्यायालयाने ४ डिसेंबपर्यंत न्यायालयीन कोठडी सुनावली.
परळी तालुक्यातील सिरसाळा पोलीस ठाण्याच्या हद्दीतील संगीता नारायण राठोड (वय २५) या विवाहितेने सासरच्या छळास कंटाळून जाळून घेतले. या प्रकरणी मयत विवाहितेच्या सासू-सासऱ्यास अटक करण्यात आली. या गुन्ह्य़ात नारायण राठोड यास सहआरोपी न करण्यासाठी फौजदार िशदे याने २५ हजार रुपयांची मागणी केली. तडजोडीत २० हजार रुपये देण्याचे ठरले. दरम्यान, राठोड यांनी याची माहिती लाचलुचपत विभागाला दिली. त्यानुसार फौजदार िशदे याला तक्रारदाराकडून २० हजारांची लाच घेताना शुक्रवारी विभागाच्या पोलिसांनी रंगेहाथ पकडले. शनिवारी अंबाजोगाई न्यायालयासमोर हजर केले असता ४ डिसेंबपर्यंत न्यायालयीन कोठडी सुनावली.
लोकसत्ता आता टेलीग्रामवर आहे. आमचं चॅनेल 
