‘महत्त्वाचे निर्णय परस्पर होणार असल्यास समितीच बरखास्त करा’

शहर विकासाशी संबंधित महत्त्वाचे विषय व निर्णय महापालिकेच्या शहर सुधारणा समितीत होणे अपेक्षित असताना आम्हाला डावलून परस्पर सगळे निर्णय होत असल्याचा संताप व्यक्त करत ही समितीच बरखास्त करा, असा पवित्रा समितीतील नगरसेवकांनी बुधवारी घेतला. प्रशासनाच्या निषेधार्थ समितीची बैठक तहकूब करण्यात आली.

शहर विकासाशी संबंधित महत्त्वाचे विषय व निर्णय महापालिकेच्या शहर सुधारणा समितीत होणे अपेक्षित असताना आम्हाला डावलून परस्पर सगळे निर्णय होत असल्याचा संताप व्यक्त करत ही समितीच बरखास्त करा, असा पवित्रा समितीतील नगरसेवकांनी बुधवारी घेतला. प्रशासनाच्या निषेधार्थ समितीची बैठक तहकूब करण्यात आली.
शहराचा चेहरामोहरा बदलून टाकणारा पर्यटन विकास आराखडा नुकताच मांडण्यात आला, त्याचे सादरीकरण व पाहणीदौराही झाला. मात्र, याबाबत कसलीही माहिती शहर सुधारणा समिती सभापती शुभांगी बोऱ्हाडे व अन्य सदस्यांना नव्हती. त्याचे पडसाद गुरूवारी समितीच्या बैठकीत उमटले. प्रशासनाच्या या कृतीचा निषेध करत सभा तहकूब करण्यात आली. तत्पूर्वी, पर्यावरण कक्षाचे प्रमुख संजय कुलकर्णी यांना बोलावून घेण्यात आले. सीमा सावळे, उल्हास शेट्टी, नारायण बहिरवाडे आदी सर्वच सदस्यांनी त्यांना फैलावर घेतले. मात्र, कुलकर्णी यांनी हात झटकले. आपल्याला आयुक्तांकडून समितीला काही कळवण्याचे आदेश नव्हते, असे ते म्हणाले. त्यावरून सदस्य आणखीच संतापले. जर महत्त्वाचे निर्णय परस्पर होणार असतील तर समिती बरखास्त करा, अशी भावना सदस्यांनी व्यक्त केली. सत्ताधारी पक्षाच्या नगरसेवकांनी पक्षाच्या बैठकीत हा मुद्दा मांडण्याचा निर्धार केला असून वेळप्रसंगी समिती सदस्यपदाचे राजीनामे देण्याची भूमिका घेतली आहे.   

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व नगर/पश्चिम महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: If important decision taken mutually then desolve the committee

ताज्या बातम्या