बलात्काराबद्दल पोलिसास कोठडी

पोलीस नाईकने विनयभंग व बलात्कार केल्याची फिर्याद वाई पोलिसात दाखल झाली आहे. या प्रकरणी पोलीस नाईक गणेश नामदेव घोटकर यांना दोन दिवस पोलीस कोठडी सुनावली आहे. फिर्यादी महिलेच्या मोबाईलवर वेळोवेळी बोलून धमकी देऊन, तुझ्याशी मैत्री करायची आहे, असे सांगून एप्रिल महिन्याच्या पहिल्या आठवडय़ात सुलतानपूर टेकडीजवळ मोकळ्या जागेत तिच्या इच्छेविरुद्ध शरीरसंबंध केल्याची व २ जून रोजी एका रुग्णालयाच्या जवळ हात पकडून विनयभंग केल्याची फिर्याद वाई पोलिसांत दाखल झाली असून पोलीस नाईक घोटकर याना दोन दिवस पोलीस कोठडी न्यायालयाने ठोठावली आहे. अधिक तपास पोलीस निरीक्षक राजेंद्र गलांडे करत आहेत.