संक्षिप्त : ख्रिस्ती दैनंदिनीने प्रकाशन

ख्रिस्ती जीवनास आवश्यक असणाऱ्या माहितीची दैनंदिनी प्रकाशित करण्याचा सतीश जाधव यांचा प्रयत्न कल्पकतेचे उत्तम उदाहरण आहे, असे प्रतिपादन नाशिक धर्मप्रांताचे सचिव विनायक पंडित यांनी केले. त्यांच्या हस्ते जाधव यांनी संपादित केलेल्या या दैनंदिनीचे प्रकाशन करण्यात आले. माजी नगरसेवक विनोद कदम कार्यक्रमाच्या अध्यक्षस्थानी होते. रेव्हरंड देवदत्त कसोटे, प्रसन्ना शिंदे, अतुल शिंदे, अनिल शिंदे आदी यावेळी उपस्थित होते. संदीप जाधव यांनी सूत्रसंचालन केले. स्मिता जाधव, अशोक औताडे, सचिन साळवे, विकी लोंढे, स्मितीश जाधव यांनी संयोजन केले.
केडगावला टेनिस बॉल क्रिकेट स्पर्धा
केडगावच्या साम्राज्य युवा प्रतिष्ठानने आयोजित केलेल्या टेनिस बॉल क्रिकेट स्पर्धेचे उद्घाटन विक्रम पाचपुते यांच्या हस्ते चेंडू टोलवून झाले. मैदानी खेळांची परंपरा पुन्हा एकदा सुरू केली पाहिजे, असे मत पाचपुते यांनी व्यक्त केले. प्रतिष्ठानचे संस्थापक बापूसाहेब सातपुते, राष्ट्रवादीचे संभाजी सातपुते, नगरसेवक दिलीप सातपुते, किसन सातपुते, संजय लोंढे, गणेश नन्नावरे, पोपट कराळे, भरत गारूडकर, सचिन ठुबे, सुनिल गुंड, सागर सातपुते, बाळासाहेब बर्डे आदी यावेळी उपस्थित होते. १५ दिवस चालणाऱ्या या स्पर्धेत १०० संघ सहभागी झाले आहेत.
कलकत्ता नेव्ही ट्रेनिंगसाठी १५जणांची निवड
कलकत्ता येथील मेट्री ट्रेनिंग सेंटरच्या वतीने नगरमध्ये चालवण्यात येणाऱ्या र्मचट नेव्ही करिअर अकादमीमधील १५ विद्यार्थ्यांची कलकत्त्यातील ट्रेनिंग सेंटरसाठी निवड झाली. र्मचट नेव्हीतील निवृत्त अभियंता गोरख ठुबे यांच्या हस्ते या १५ विद्यार्थ्यांचा गौरव करण्यात आला. संस्थेच्या माध्यमातून आतापर्यंत ६० विद्यार्थ्यांची भरती झालेली असून संस्थेतील तंत्रशुद्ध शिक्षणामुळेच हे शक्य होत आहे, असे जाधव यांनी सांगितले. संस्थेच्या वतीने लवकरच करंजी घाट येथे अत्याधुनिक प्रशिक्षण केंद्र सुरू करण्यात येणार असल्याची माहिती त्यांनी दिली.
‘अपारंपरिक ऊर्जा स्त्रोतांशिवाय पर्याय नाही’
मानवनिर्मित ऊर्जा स्त्रोत मर्यादित असल्याने यापुढे अपारंपरिक व सौरऊर्जा स्त्रोतांचाच जास्तीत जास्त वापर करणे गरजेचे होणार आहे, असे या क्षेत्रातील तज्ञ अमित काळे यांनी सांगितले. ज्येष्ठ नागरिक मंचच्या वतीने राधाबाई काळे कन्या महाविद्यालयात काळे यांच्या या विषयावरील व्याख्यानाचे आयोजन करण्यात आले होते.  मंचाचे अध्यक्ष सर्वोत्तम क्षीरसागर, अशोक नवले, डॉ. अशोक काळे, श्रीमती केसकर, महेश चितांबर, उपप्राचार्य डॉ. बी. के. औटी, विज्ञान मंडळ सदस्य अ. के. कापरे, रविप्रकाश ठोंबरे आदी यावेळी उपस्थित होते.
उपमहापौरांच्या हस्ते सायकल रॅलीचे उद्घाटन
जय बजरंग विद्यालयाने क्रांतीज्योती सावित्रीबाई फुले यांच्या जयंतीनिमित्त आयोजित केलेल्या प्रबोधनात्मक सायकल रॅलीचे उद्घाटन उपमहापौर गीतांजली काळे यांनी या रॅलीत स्वत: सायकलवर सहभागी होऊन केले. जय बजरंग विद्यालय हे फुले पती-पत्नींना अभिप्रेत असणारे विद्यालय आहे. या शाळेत शिक्षण घेणाऱ्या गोरगरिबांच्या मुला-मुलींसाठीच त्यांनी जीवनभर काम केले, असे श्रीमती काळे यांनी सांगितले. कार्यक्रमाला नगरसेविका संगीता खरमाळे, सुमन गंधे, नितीन शेलार आदी उपस्थित होते. संगीता पाठक यांनी प्रास्ताविक केले. पल्लवी देठे यांनी आभार मानले.
फुले जयंतीनिमित्त महिलांचा सत्कार
फिनिक्स सोशल फौंडेशनच्या वतीने क्रांतीज्योती सावित्रीबाई फुले जयंती व महिला मुक्ती दिनानिमित्त आयोजित महिला मेळाव्यात जिल्हा हमाल पंचायत व स्नेहालय या दोन संस्था व दुर्गाताई तांबे, सुनिताताई गडाख, मोनिकाताई कांबळे, प्रिया ओगले, डॉ. कमर सुरूर, लक्ष्मीबाई जाधव, कांताबाई फुलसौंदर, अंजली देवकर या महिलांचा गौरव करण्यात आला. सहकार सभागृहात झालेल्या या कार्यक्रमाला ह.भ.प. जंगलेमहाराज शास्त्री उपस्थित होते.