पुण्यात सोमवारी सकाळी या हंगामातील नीचांकी तापमानाची नोंद झाली आणि सारे जनजीवनच बदलून गेले. ऐन दिवाळीत थंडीने दडी मारल्यानंतर आता थंडी पसरली. त्यामुळे पुणे वेधशाळेत ७.९ अंश सेल्सिअस तापमानाची नोंद झाली. पाषाण येथे पारा ८.५ अंशांवर, तर लोहगाव येथे ११ अंशांवर स्थिरावला.. त्याचा परिणाम म्हणून सायंकाळच्या वेळी वाहनचालकांच्या डोक्यावर कानटोप्या आल्या. त्याच वेळी मुलांनी मात्र उबदार कानटोप्या घालून आईस्क्रिम खाण्याचा आनंद लुटला.