पीसीओएस, एंडोमेट्रिओसिस आणि थायरॉईडच्या समस्या असलेल्या महिलांनी गर्भधारणेपूर्वी घ्यावयाची काळजी

पीसीओएस (पॉलिसिस्टिक ओव्हरी सिंड्रोम), एंडोमेट्रिओसिस किंवा थायरॉईड असे आजार असलेल्या महिलांना गर्भघारणेच्यावेळी अनेक आव्हानांचा सामोरे जावे लागते. या हार्मोनल आणि प्रजनन आरोग्यासंबंधी समस्या ओव्हुलेशन प्रक्रियेत नकारात्मक परिणाम करतात, तसेच ते अंड्याच्या गुणवत्तेवर परिणाम करतात आणि सतत प्रयत्न करूनही गर्भधारणा त्यांच्यासाठी आव्हानात्मक ठरते. पीसीओएस अनेकदा तुमच्या मासिक पाळीच्या चक्रात व्यत्यय आणू शकते, परिणामी मासिक पाळीची अनियमितता ही समस्या उद्भवते. यामुळे ओव्हुलेशन ट्रॅक करणे आणखी कठीण होते. एंडोमेट्रिओसिसमुळे प्रजनन अवयवांना जखम आणि सूज येऊ शकते. थायरॉईड विकारामुळे होणारे हार्मोनल असंतुलन, हायपोथायरॉईडीझम असो किंवा हायपरथायरॉईडीझम हे केवळ प्रजननक्षमतेवरच नव्हे तर गर्भावरदेखील   आरोग्यावरदेखील परिणाम करू शकते. म्हणूनच हे आजार असलेल्या महिलांनी तब्येतीची काळजी घेणे  आवश्यक आहे. वेळीच निदान,

गर्भधारणेसाठी प्रयत्न करताना काय काळजी घ्याल?

तज्ज्ञ डॉक्टरांचा सल्ला घ्या : जर तुम्ही बाळासाठी प्रयत्न करत असाल तर तुम्ही प्रथम तज्ज्ञ डॉक्टरांचा सल्ला घ्यावा, विशेषतः जर तुम्हाला प्रजनन आरोग्यासंबंधी काही समस्या अथवा आजार असतील तर. ते तुमच्या प्रजनन आरोग्याचे अचूक मूल्यांकन करतील, आवश्यक त्या चाचण्या करतील आणि तुमच्या शक्यता सुधारण्यासाठी प्रभावी उपचारांची शिफारसदेखील करतील.

हार्मोन्सचे संतुलन : दैनंदिन जीवनशैलीत छोटे छोटे बदल करून  हार्मोन्सचे नियमन करता येते. यामध्ये संतुलित आहार घेणे, नियमित व्यायाम करणे आणि तुमच्या हार्मोन्सची पातळी स्थिर करण्यासाठी तुमच्या तणावाच्या पातळीचे व्यवस्थापन करणे समाविष्ट असू शकते. नैसर्गिकरित्या तुमची प्रजनन क्षमता सुधारण्यासाठी हे आवश्यक आहे.

पीसीओएस नियंत्रण :  पीसीओएससाठी कायमस्वरूपी उपचार नाही. तथापि, आहार आणि जीवनशैलीतील बदल ते नियंत्रणात ठेवण्यात लक्षणीय मदत करतील. नियमित व्यायाम, निरोगी आहार आणि शरीराचे वजन नियंत्रित राखणे हे पीसीओएसशी संबंधित लक्षणे कमी करण्यासाठी महत्त्वाचे घटक आहेत.

एंडोमेट्रिओसिसचे नियंत्रण  करा : एंडोमेट्रिओसिस हे वेदनादायक मासिक पाळी, दीर्घकालीन ओटीपोटात होणाऱ्या वेदना आणि वंध्यत्वाशी संबंधित आहे. काही काळासाठी ते वैद्यकीय  उपचारांनी आटोक्यात येऊ शकते परंतु बहुतेकदा लॅप्रोस्कोपीद्वारे शस्त्रक्रिया करावी लागते.

थायरॉईड पातळीचे निरीक्षण करा : जर तुम्हाला थायरॉईडचे निदान झाले तर T3, T4 आणि TSH सारख्या रक्त चाचण्यांच्या मदतीने तुमच्या थायरॉईड पातळीचे नियमितपणे निरीक्षण करणे आवश्यक आहे. थायरॉईड असंतुलन ओव्हुलेशन आणि गर्भघारणेवर विपरित परिणाम करू शकते. नियमित तपासणी करून आणि डॉक्टरांनी सांगितल्याप्रमाणे वेळेवर औषधे घेतल्याने तुमचे थायरॉईड कार्य संतुलित करण्यास मदत होऊ शकते.