इतिहास काहीही सांगत असो, पण एकदा का आम्हाला खिजवले तर इतिहास बदलण्याची धमकही आमच्यामध्ये आहे, हे भारतीय संघाने दक्षिण आफ्रिकेला पराभूत करून दाखवून दिले. शिखर धवनचे दमदार शतक, त्याला मिळालेली अजिंक्य रहाणेची सुरेख साथ आणि भेदक गोलंदाजीच्या जोरावर भारताने दक्षिण आफ्रिकेवर तब्बल १३० धावांनी दणदणीत विजय मिळवला. भारताचा गेल्या चार विश्वचषकातील सामन्यांमध्ये हा पहिला विजय आहे.तत्पूर्वी, भारताने पुन्हा एकदा नाणेफेक जिंकत फलंदाजी करण्याचा निर्णय घेतला. रोहित शर्मा (०) धावचीत झाल्यावर शिखर धवन डगमगला नाही, त्याने विराट कोहलीच्या (४६) साथीने धावफलक हलता ठेवत संघासाठी विजयाचा पाया रचला. या वेळी अर्धशतक झळकावल्यावर ५३ धावांवर असताना वेन पार्नेलच्या विसाव्या षटकाच्या पहिल्या चेंडूवर हशिम अमलाने बॅकवर्ड पॉइंटला धवनचा झेल सोडला आणि त्याने शतक झळकावत त्याचा पुरेपूर फायदा उठवला. कोहली मोठा फटका मारण्याच्या नादात फसला. धवन आणि कोहली या दोघांनी दुसऱ्या विकेटसाठी १२७ धावांची भागीदारी रचली. या वेळी धोनीने चौथ्या क्रमांकावर अजिंक्य रहाणेला पाठवले आणि त्यानेही त्याचा चांगलाच फायदा उचलला. या दोघांनी दक्षिण आफ्रिकेचा मारा बोथट केला. कडक ‘कव्हर ड्राइव्ह’ मारत धवनने शतकाला गवसणी घातली. धवनने १६ चौकार आणि २ षटकारांच्या जोरावर १३७ धावांची अप्रतिम खेळी साकार संघाला मोठी धावसंख्या उभारून दिली, तर रहाणेने ६० चेंडूंत ७ चौकार आणि तीन षटकार लगावत ७९ धावा फटकावल्या. अखेरच्या ६.३ षटकांमध्ये भारताने पाच बळी गमावत ४६ धावा फटकावल्या.भारताच्या आव्हानाचा पाठलाग करताना ठरावीक फरकाने दक्षिण आफ्रिकेने फलंदाज गमावले आणि त्यांचा डाव १७७ धावांवर संपुष्टात आला. डेव्हिड मिलरने सर्वाधिक ५५ धावांची झुंजार खेळी साकारली.संक्षिप्त धावफलकभारत : ५० षटकांत ७ बाद ३०७ (शिखर धवन १३७, अजिंक्य रहाणे ७९; मॉर्नो मॉर्केल २/५९) विजयी वि. दक्षिण आफ्रिका : ४०.२ षटकांत सर्व बाद १७७ (डेव्हिड मिलर ५५; आर. अश्विन ३/४१, मोहम्मद शमी २/३०). सामनावीर : शिखर धवन.भारताचा हा सफाईदार विजय आहे. फलंदाजी, गोलंदाजी व क्षेत्ररक्षणात भारतीयांनी बाजी मारली. जेव्हा ते असे खेळतात तेव्हा ते कोणतीही गोष्ट साध्य करू शकतात. विश्वचषकापूर्वी शिखर धवनच्या समावेशाबाबत जे मला प्रश्न विचारत होते, त्यांना क्रिकेटच माहिती नसल्याचे मला वाटते.- रवी शास्त्री, भारतीय संघाचे संचालकनिकालापेक्षाही आम्ही कसे खेळलो हे माझ्यासाठी महत्त्वाचे आहे. फलंदाजांपाठोपाठ गोलंदाजांनीही या सामन्यात चांगली कामगिरी केली. दक्षिण आफ्रिका हा एक चांगला संघ होता आणि आम्ही या सामन्यात परिपूर्ण कामगिरी केली. रणनीतीची आमच्याकडून योग्य ती अंमलबजावणी झाली.- महेंद्रसिंग धोनी, भारताचा कर्णधार१३० धावांनी झालेला हा आमचा मोठा पराभव आहे. एवढय़ा मोठय़ा फरकाने तुम्ही कधीही सामना गमावू नये. या विश्वचषकात फक्त उपांत्यपूर्व फेरीत पोहोचण्याचे आमचे ध्येय नाही, कारण प्रत्येक सामन्याचा तुमच्या कामगिरीवर परिणाम होत असतो. ए. बी. डी’व्हिलियर्स, द. आफ्रिकेचा कर्णधार१३७ विश्वचषकातील दक्षिण आफ्रिकेविरुद्धची शिखर धवनची ही १३७ धावांची सर्वोत्तम खेळी ठरली आहे. यापूर्वी न्यूझीलंडचा कर्णधार स्टीफन फ्लेमिंगने २००३च्या विश्वचषकात नाबाद १३५ धावांची खेळी साकारली होती.१३० भारताने रविवारी दक्षिण आफ्रिकेवर मिळवलेला १३० धावांनी विजय हा विश्वचषकातील त्यांच्याविरुद्धचा सर्वोत्तम विजय ठरला आहे. यापूर्वी ऑस्ट्रेलियाने २००७ च्या विश्वचषकात दक्षिण आफ्रिकेला ८३ धावांनी पराभूत केले होते.३ विश्वचषकाच्या पहिल्या दोन सामन्यांमध्ये अर्धशतकापेक्षा जास्त धावा करणारा धवन भारताचा तिसरा सलामीवीर ठरला आहे. यापूर्वी माजी महान फलंदाज सचिन तेंडुलकर आणि माजी कर्णधार सौरव गांगुली यानी ही किमया साधली आहे.विश्वचषकाच्या पहिल्या दोन सामन्यांमध्ये अर्धशतकापेक्षा जास्त धावा करणारा धवन भारताचा तिसरा सलामीवीर ठरला आहे. यापूर्वी माजी महान फलंदाज सचिन तेंडुलकर आणि माजी कर्णधार सौरव गांगुली यानी ही किमया साधली आहे.