टीव्ही अभिनेता कुशाल टंडन आणि गौहर खान यांच्या प्रेमाची चर्चा गेले काही महिने सुरु होती. सर्वत्र खुलेआम आपल्या प्रेमाची कबुली देणारे हे प्रेमीयुगुल आता वेगळे झाले आहेत. कुशाल टंडनने याबाबतचे ट्विट केले आहे.आता गौशाल ही जोडी एकत्र दिसणार नाही. मला आमच्या ब्रेकअप बद्दल सांगताना दुःख होत आहे. आम्ही दोघेही आता वेगळे झालो आहोत, असे कुशालने टि्वट केले आहे. या दोघांचेही चाहते त्यांना गौशाल असे संबोधित करायचे. 'गौशाल' हे गौहर आणि कुशालच्या नावापासून तयार करण्यात आलेले होते. गेल्यावर्षी झालेल्या 'बिग बॉस'च्या पर्वात हे दोघे जवळ आले होते. त्यानंतर त्यांनी 'खतरो के खिलाडी ५'मध्येही भाग घेतला होता. तसेच, अनेक ठिकाणी ते एकत्रचं फिरायचे. दोघांनी गोव्यात सुट्टीदेखील साजरी केलेली. इतकेच नाही तर काही महिन्यांपूर्वीच त्यांनी पाकिस्तानी गायक उस्ताद राहत फतेह अली खानचा अल्बम 'जरुरी था'मध्येही काम केले होते.