अंबरनाथ, टिटवाळा फेऱ्यांवर गदा; १ नोव्हेंबरपासून अंमलबजावणी; आता ‘सीएसएमटी’वरून शेवटची लोकल लवकर निघणार हार्बर व ठाणे ते पनवेल या ट्रान्स हार्बर मार्गावर १ ऑक्टोबरपासून २८ नवीन वाढीव लोकल फेऱ्या सुरू केल्या असतानाच मध्य रेल्वेकडून आता मुख्य मार्गावरही १८ वाढीव फेऱ्यांचा दिलासा प्रवाशांना देण्यात येत आहे. सीएसएमटीवरून सुटणाऱ्या शेवटच्या लोकलच्या वेळा अलिकडे आणल्या आहेत. १ नोव्हेंबरपासून मुख्य मार्गावर या नवीन वेळापत्रकाची अंमलबजावणी केली जाईल, अशी माहिती मध्य रेल्वेकडून देण्यात आली. यामध्ये मात्र २५ नवीन फेऱ्या सुरू करतानाच सध्या सुरू असलेल्या सात लोकल फेऱ्यांवर गदा आणण्यात आली आहे. त्यामुळे १८ वाढीव फेऱ्या प्रवाशांच्या सेवेत येतील. रद्द करण्यात आलेल्या सात लोकल फेऱ्यांमध्ये सर्वाधिक अंबरनाथ, टिटवाळा या लोकलचा समावेश आहे. यामध्ये कुर्लाहून सुटणारी अंबरनाथ तसेच सीएसएमटी ते अंबरनाथ दरम्यान धावणाऱ्या दोन लोकल आणि टिटवाळा ते आसनगाव, टिटवाळा ते कुर्ला व सीएसएमटी ते टिटवाळा या फेऱ्या आहेत. नवीन वेळापत्रकात सर्वात मोठा दिलासा हा कल्याण, डोंबिलीकरांना मिळाला आहे. २५ फेऱ्यांपैकी तब्बल १७ फेऱ्या कल्याण व डोंबिवलीकरांच्या वाटय़ाला आल्या आहेत. महिला प्रवाशांना थोडा फार दिलासा देण्याचा यातून प्रयत्न केला आहे. सकाळी गर्दीच्या वेळेत टिटवाळा ते दादर आणि बदलापूर ते दादर या दोन नवीन फेऱ्यांमध्ये कल्याण दिशेला तीन डबे महिलांसाठी आरक्षित ठेवण्यात आले असल्याची माहिती मुख्य जनसंपर्क अधिकारी सुनील उदासी यांनी सांगितले. वाढीव फेऱ्यांमुळे मुख्य मार्गावरील फेऱ्यांची संख्या ही ८३८ वरून ८५६ वर पोहोचली. तर मध्य रेल्वेवरील एकूण फेऱ्यांची संख्या ही १,६८८ वरून १,७०६ पर्यंत पोहोचल्याचे उदासी म्हणाले. डाऊन दिशेला जाणाऱ्या नवीन फेऱ्या ’विद्याविहार ते टिटवाळा - स. ६.४७ ’सीएसएमटी ते कल्याण- स.९.०५ ’दादर ते कल्याण- स.१०.०९ वा ’दादर ते कल्याण- दु.३.०० वा ’विद्याविहार ते कल्याण- सायं.५.३० ’विद्याविहार ते कल्याण- सायं.६.१५ ’ठाणे ते कल्याण- सायं.५.२५ वा ’दादर ते डोंबिवली- दु.१२.२० वा ’दादर ते डोंबिवली- दु.१२.३७ वा ’दादर ते डोंबिवली- दु.१२.३७ वा ’दादर ते डोंबिवली- दु. १.४३ वा ’सीएसएमटी ते कुर्ला- ००.३१ वा ’सीएसएमटी ते कुर्ला- स.११.०८ ’दादर ते बदलापूर- रा.११.१८ वा अप दिशेला जाणाऱ्या नवीन फेऱ्या ’खोपोली ते कर्जत- स.५.१० वा ’कर्जत ते सीएसएमटी-सायं.५.५६ ’कल्याण ते दादर- स.१०.४५ वा ’कल्याण ते दादर- स.११.१७ वा ’कल्याण ते ठाणे- सायं.४.३८ वा ’कल्याण ते ठाणे- सायं.६.१० वा ’डोंबिवली ते सीएसएमटी- दु.१.३२वा ’डोंबिवली ते दादर- दु.१.४८ वा ’डोंबिवली ते सीएसएमटी-दु.२.५८वा ’आसनगाव ते ठाणे- रा.११.०८ वा फेऱ्यांच्या बदललेल्या वेळा ’सीएसएमटी-कर्जत लोकल रात्री १२.३० ऐवजी १२.२० वाजता सुटेल ’सीएसएमटी-बदलापूर लोकल सकाळी ७.२५ ऐवजी सकाळी ७.०५ वाजता सुटेल. ’सीएसएमटी ते खोपोली लोकल सकाळी ७.५३ ऐवजी सकाळी ७.३० वाजता सुटेल. ’सीएसएमटी ते कर्जत लोकल सकाळी ८.२९ ऐवजी सकाळी ८.१६ वाजता सुटेल. ’सीएसएमटी ते कर्जत लोकल सकाळी ९.०८ ऐवजी सकाळी ९.०१ वाजता सुटेल. ’कसारा ते सीएसएमटी लोकल रात्री १०.३५ ऐवजी सकाळी १०.०५ वाजता सुटेल. ’बदलापूर ते सीएसएमटी लोकल रात्री ११.५० ऐवजी रात्री ११.३१ वाजता सुटेल. ब्लॉकमधील कामांसाठी जादा वेळ सात लोकल फेऱ्यांना प्रतिसाद नसल्याचे कारण पुढे करतानाच ब्लॉक घेऊन करण्यात येणाऱ्या कामांना जादा वेळ मिळावा यासाठी त्या लोकल फेऱ्या बंद करण्यात येत असल्याचे सांगण्यात आले. त्याचप्रमाणे काही लोकल फेऱ्यांच्या वेळाही बदलण्यात आल्या असून त्यामुळेही कामे करण्यासाठी अधिक वेळ मिळू शकतो असा दावा केला आहे. दहा मिनिटे ते अर्धा तास अधिक ब्लॉकच्या कामांसाठी वेळ मिळेल, असे मध्य रेल्वेकडून सांगण्यात आले. अकरा फेऱ्यांचा विस्तार ’कल्याण-सीएसएमटी लोकल आता टिटवाळा येथून सीएसएमटीसाठी ५.०५ वाजता सुटेल. ’आसनगाव-सीएसएमटी लोकल आता कसारा येथून ५.०० वाजता सुटेल. ’सीएसएमटी-टिटवाळा लोकल ही सीएसएमटीहून ९.३२ वाजता सुटेल आणि कसारा येथे ००.११ वाजता पोहोचेल. ’कसारा-ठाणे लोकल कसारा येथून ५.१७ वाजता सुटेल आणि ती सीएसएमटीसाठी चालवण्यात येईल. ’कर्जत-ठाणे लोकल कर्जत येथून १०.४५ वाजता सुटेल आणि ती सीएसएमटीपर्यंत धावेल. ’दुपारी ३.५३ वाजताची सीएसएमटी ते बदलापूर लोकल कर्जतपर्यंत धावेल. ’सायंकाळी ४.१३ वाजताची दादर ते कल्याण लोकल बदलापूपर्यंत धावेल. ’रात्री १०.३१ वाजता सुटणारी सीएसएमटी ते कर्जत लोकल रात्री १०.२८ वाजता खोपोलीसाठी सुटेल. ’रात्री ११.१८ वाजताची सीएसएमटी-कर्जत लोकल खोपोलीपर्यंत धावेल. ’रात्री ८.२६ वाजताची बदलापूर-ठाणे लोकल बदलापूर येथून रात्री ८.२४ वाजता सुटेल आणि सीएसएमटीपर्यंत धावेल. ’रात्री १०.५२ वाजता सुटणारी दादर ते कल्याण लोकल अंबरनाथपर्यंत चालवण्यात येईल. बदललेल्या वेळा ’सीएसएमटी ते ठाणे रात्री १२.३४ ऐवजी रात्री १२.३१ वाजता सुटेल. ’कुर्ला स्थानकातून ठाण्याच्या दिशेने जाणारी लोकल रात्री १.०२ च्याऐवजी रात्री १२.५६ वाजता मिळेल. ’ठाणे स्थानकातून कल्याणच्या दिशेने जाण्यासाठी रात्री १.२४ च्या ऐवजी रात्री १.१९ वाजता लोकल उपलब्ध होईल ’कल्याण स्थानकातून कर्जतच्या दिशेने जाण्यासाठी रात्री १.५७ च्या ऐवजी रात्री १.५२ वाजता लोकल उपलब्ध होईल. रद्द सात लोकल ’कुर्ला ते अंबरनाथ - पहाटे ४.४४ वा ’सीएसएमटी ते अंबरनाथ - सकाळी ७.०५ वा ’अंबरनाथ ते सीएसएमटी - रात्री ८.२९ वा ’टिटवाळा ते आसनगाव - सकाळी ५.०५ वा ’टिटवाळा ते कुर्ला - रात्री ११.४६ वा ’आसनगाव ते कल्याण - रात्री.११.३२ वा ’सीएसएमटी ते टिटवाळा - रात्री. १०.२० वा दोन फेऱ्यांमध्ये कल्याणकडील तीन डबे महिलांसाठी ’टिटवाळा ते दादर- स.८.१० वा ’बदलापूर ते दादर- स.८.४५ वा जानेवारीपासून २४ फेऱ्या हार्बर व ट्रान्स हार्बरवर ’ऑक्टोबरपासून हार्बर व ट्रान्स हार्बरवर २८ नवीन लोकल फेऱ्या सुरू केल्या असतानाच ३१ जानेवारीपासून आणखी २४ लोकल फेऱ्या या मार्गावर चालवण्यात येणार आहेत. ’दिवा स्थानकात काही जलद लोकलला १ नोव्हेंबरपासून थांबा. सध्या थांबा देण्यात येणाऱ्या २४ जलद लोकलची संख्या ही ४६ पर्यंत पोहोचेल.