मंगळवार पेठेतील पारगे चौक भागात कारवाई देशी बनावटीचे पिस्तूल विकण्यासाठी आलेल्या अहमदनगरमधील एका तरुणाला पोलिसांनी पकडले. मंगळवार प् ोठेतील पारगे चौक भागात ही कारवाई करण्यात आली. सुनील भुजबळ (वय ३०, रा. कोपरगाव, अहमदनगर)असे अटक करण्यात आलेल्याचे नाव आहे. मंगळवार पेठेतील पारगे चौक भागात एकजण पिस्तूल विकण्यासाठी येणार असल्याची माहिती पोलीस शिपाई अजय शितोळे यांना मिळाली होती. पोलिसांनी तेथे सापळा लावून भुजबळला पकडले. त्याच्याकडून देशी बनावटीचे पिस्तूल आणि तीन काडतुसे जप्त करण्यात आली. समर्थ पोलीस ठाण्याचे वरिष्ठ पोलीस निरीक्षक राजेंद्र मोहिते, गुन्हे शाखेचे निरीक्षक सतीश चव्हाण, उपनिरीक्षक नितीन अतकरे, सुशांत लोणकर, दत्तात्रय येळे, संतोष काळे, नवनाथ भोसले, बाळासाहेब मांगले, अनिल शिंदे, गणेश कोळी, साहिल शेख यांनी ही कारवाई केली.
