24 July 2017

News Flash

“चीन आणि जपानच्या तुलनेत रेल्वे क्षेत्रात आपण मागे”

रेल्वेमंत्री सुरेश प्रभु यांनी व्यक्त केली सुधारणांची गरज

पुणे | Updated: July 16, 2017 5:34 PM

सुरेश प्रभू ( संग्रहित छायाचित्र )

चीन आणि जपान या दोन देशांनी रेल्वे क्षेत्रात गुंतवणूकीला फार पूर्वीपासूनच सुरूवात केली असून त्यांच्या अर्थसंकल्पात रेल्वेसाठी भरघोस तरतूद करण्यात येते. या तुलनेत आपण मागे आहोत, असे रेल्वेमंत्री सुरेश प्रभु यांनी सांगितले आहे. पुण्यात ते एका कार्यक्रमादरम्यान बोलत होते.

सुरेश प्रभू म्हणाले, देशात रेल्वेचा विकास होण्यासाठी ज्या पायाभूत सुविधांची आवश्यकता आहे, त्या उभारण्यासाठी आता आपल्याकडे प्रयत्न सुरू झाले आहेत. त्यामुळे रेल्वेकरिता विशेष आर्थिक तरतूद देखील केल्याचे त्यांनी सांगितले.

या प्रयत्नांमुळे येत्या काही काळात रेल्वेचा कायापालट झालेला दिसेल, असा विश्वास प्रभु यांनी यावेळी व्यक्त केला. तसेच रेल्वेचा अर्थसंकल्प येत्या काही वर्षात २ लाख ७५ हजार कोटी रुपयांपर्यत वाढविण्यात येणार असल्याचेही त्यांनी सांगितले. तर देशात ४० हजार रेल्वे डब्यांचे नूतनीकरण करण्यात येत आहे. मीटरगेज रेल्वमार्गांचे ब्रॉडगेजमध्ये रूपांतर सुरू असून कालांतराने त्यांचे विद्युतीकरण करण्यात येणार असल्याचेही ते म्हणाले. त्याचबरोबर देशातील ४० ते ५० रेल्वेस्थानकांवर विमानतळासारख्या सुविधा देण्यावर भर दिला जाणार आहे. देशातील प्रवाशाची संख्या लक्षात घेता, मुंबई ते दिल्ली आणि दिल्ली ते कोलकाता या रेल्वेमार्गांवर येत्या काही दिवसांत २०० किलोमीटर प्रतितास वेगाने प्रवासी रेल्वे चालविण्यावर भर दिला जाणार असल्याचेही त्यांनी सांगितले.

First Published on July 16, 2017 5:34 pm

Web Title: we are step back to china and japan in railways infrastructure says railway minister suresh prabhu
  1. H
    H
    Jul 16, 2017 at 10:06 pm
    रेल्वे सोडा सगळ्याच क्षेत्रात मागे आहेत.
    Reply
  2. B
    baburao
    Jul 16, 2017 at 6:57 pm
    सगळ्यात पहिले रेल्वेचे अधिकारी आणि कर्मचारी यांची सफाई करा. कामचोर आणि भ्रष्टांना लाथा घालून बाहेर काढा. त्यानंतर अविचारी, अप्पलपोटी प्रवाशांना मोठा दंड ठोकायचे पहा. रेल्वेचे सेवक आणि प्रवासी दोघांनीही रेल्वेला स्वतःची समजल्याशिवाय विकास होणारच नाही.
    Reply
  3. C
    chintu
    Jul 16, 2017 at 6:35 pm
    आरे बाबा एक भ्रष्टाचार करण्याचे कसब सोडले तर आपण चीनपेक्षा सर्वच बाबतीत मागे आहोत.
    Reply