नागपुरातील सी-२० साठी आलेले प्रतिनिधी पारंपारिक स्वागताने भारावले

हेही वाचा >>> ‘एसटी’ महिलांनी ‘हाऊस फुल्ल’, महामंडळाला घसघशीत उत्पन्न

सोमवारपासून नागपुरात सी-२० परिषद सुरू होणार आहे. त्यासाठी देश-विदेशातील सुमारे ३०० हून अधिक प्रतिनिधींना आमंत्रित करण्यात आले आहे. हॉटेल रॅडिसन ब्ल्यूमध्ये दोन दिवस परिषद चालणार असून २२ तारखेला प्रतिनिधी नागपूर जिल्ह्यातील पेंच व्याघ्र प्रकल्प व इतर प्रसिद्ध स्थळांना भेटी देणार आहेत. रविवारी दुपारपासून प्रतिनिधींचे नागपुरात आगमन होण्यास सुरूवात झाली. नागपूरच्या डॉ. बाबासाहेब आंबेडकर आंतरराष्ट्रीय विमानतळावर प्रतिनिधींच्या स्वागतासाठी प्रशासनाने जय्यत तयारी केली होती. जी-समुहातील सर्व देशांचे राष्ट्रध्वज लावण्यात आले होते. प्रतिनिधींना पंचारतीने ओवाळून, औक्षवन करून त्यांच्या ग ळात सुताचा हार घालून स्वागत केले जात होते. त्यानंतर त्यांना भगव्या रंगाचा फेटा घालण्यात येत होता. स्वागत करणाऱ्या महिला, तरुणींना पारंपारिक पोषाख घातला होता. भारतीय परंपरेच्या स्वागताने विदेशी व देशी प्रतिनिधीही भारावून गेले होते. सांयकाळी सी-२० च्या अध्यक्ष व अध्यात्मिक नेत्या अध्यात्मिक नेत्या माता अमृतानंदमयी यांचे आगमन झाले. त्यांचेही पारंपारिक पद्धतीने स्वागत करण्यात आले.परिषदेच्या निमित्ताने हॉटेल रेडिसन ब्ल्यूमध्ये ही परिषद होणार असून तेथील सर्व तयारी पूर्ण झाली आहे.