व्यापार संक्षिप्त

ग्राहकोपयोगी वस्तू खरेदी ग्राहकांमध्ये   
३५%बाजारहिश्शाचे बजाज फायनान्सचे लक्ष्य
पुणे: बजाज फिनसव्‍‌र्ह समूहाचे एक अंग असलेल्या बजाज फायनान्स लिमिटेडने टीव्ही, फ्रीज, वातानुकूलित यंत्रे, संगणक संच, लॅपटॉप वगैरे ग्राहकोपयोगी इलेक्ट्रॉनिक वस्तूंच्या खरेदीसाठी अर्थसाहाय्यात आपले अग्रस्थान टिकवून ठेवण्याचा प्रयत्न म्हणून ‘ग्रेट इंडियन समर’ची घोषणा केली आहे. देशातील ११५ शहरांमध्ये १५ जून २०१४ पर्यंत सुरू राहणाऱ्या या विशेष उपक्रमात, ७,००० रुपये व त्यापेक्षा अधिक किमतीच्या कन्झ्युमर डय़ुरेबल वस्तू व्याजरहित सुलभ हप्त्याच्या कर्जसाहाय्यातून खरेदी करण्याची मुभा ग्राहकांना मिळणार आहे. शिवाय अशा प्रत्येक ग्राहकाला हमखास आकर्षक बक्षिसे जिंकण्याचीही संधी मिळेल. सध्या या बाजारपेठेत १५ टक्के अग्रस्थानी असलेल्या बजाज फायनान्सला या नव्या उन्हाळी उपक्रमातून हा हिस्सा ३५ टक्क्यांवर जाणे अपेक्षित आहे. या उपक्रमात सहभागी ग्राहकांना आयपॅड मिनी, आयपॉड्स, किंडल फायर, सोनी पीएस ४ अशी बक्षिसे जिंकता येतील. तर एका ग्राहकाला दोघांसाठी युरोपच्या सहलीचे भव्य बक्षीस जिंकता येईल.