सुमारे ५,६०० कोटी रुपयांच्या ‘एनएसईएल’ घोटाळा प्रकरणात सक्त वसुली संचलनालयाने कंपनीच्या प्रवर्तक संस्थापक जिग्नेश शहासह ६८ जणांविरुद्ध बुधवारी आरोपपत्र दाखल केले. जुलै २०१३ मध्ये उघडकीस आलेल्या या प्रकरणात तपास यंत्रणांनी तक्रारींच्या २० हजार पानांची छाननी करून ही कारवाई केल्याचे सूत्रांनी वृत्तसंस्थेला सांगितले. आरोपपत्र दाखल करण्यात आलेल्यांमध्ये जिग्नेश शहा, अंजनी सिन्हा, जोसेफ मॅसी याची नावे आहेत.