हीरो मोटोकॉर्पच्या दुचाकी वाहन विक्रीने पाच लाखांचा टप्पा ओलांडला

पहिल्या तिमाहीत कंपनीने सर्वाधिक असा तिमाही विक्री उच्चांक गाठला असून या तिमाहीत कंपनीने १७,१५,१२९ दुचाकींची विक्री केली आहे. ही वाढ १० टक्क्यांची असून गेल्या वर्षीच्या याच तिमाहीत कंपनी ने १५,५९,२८२ वाहनांची विक्री केली होती. जुलमध्ये कंपनीतर्फे कोलंबिया येथे त्यांची उपकंपनी -एचसीएमएल कोलंबिया एसएएस’ची स्थापना करण्यात येत असून हीरोने कोलंबियामध्ये अत्याधुनिक अशा उत्पादन केंद्राचे बांधकाम सुरू केले आहे. यामुळे हिरो मोटोकॉर्प ही लॅटिन अमेरिकेत आपले उत्पादन केंद्र सुरू करणारी पहिली भारतीय दुचाकी उत्पादक कंपनी ठरली.