राज कुंद्रा, शिल्पा शेट्टीला सेबीचा दंड

पॉर्न फिल्म प्रकरणातील राज कुंद्रा व पत्नी- अभिनेत्री शिल्पा शेट्टी यांना सेबीने बुधवारी दंड ठोठावला.

विआन इंडस्ट्रिजविरुद्ध कारवाई

मुंबई : पॉर्न फिल्म प्रकरणातील राज कुंद्रा व पत्नी- अभिनेत्री शिल्पा शेट्टी यांना सेबीने बुधवारी दंड ठोठावला. उभयतांच्या विआन इंडस्ट्रीजवर समभाग गैरव्यवहारप्रकरणी कारवाई करताना भांडवली बाजार नियामकाने ३ लाख रुपये भरण्याचा आदेश जारी केला.

हिंदुस्थान सेफ्टी ग्लास इंडस्ट्रीज म्हणून ओळखले जाणाऱ्या विआन इंडस्ट्रीजचे राज व शिल्पा प्रवर्तक आहेत. १० कोटी रुपयांचे बाजार भांडवल असणारी विआन इंडस्ट्रीज भांडवली बाजारात सूचिबद्ध कंपनी आहे.

राज ऊर्फ रिपू सुदन कुंद्रा व शिल्पा शेट्टी कुंद्रा संचालक असलेल्या विआन इंडस्ट्रीजची सप्टेंबर २०१३ ते डिसेंबर २०१५ दरम्यान करण्यात आलेल्या चौकशीवर आधारित ही कारवाई करण्यात आली आहे.

ऑक्टोबर २०१५ मध्ये विआन इंडस्ट्रीजने २.५७ कोटी रुपयांचे ५ लाख समभाग कुंद्रा दाम्पत्यासह चार जणांना जारी केले होते. मात्र याबाबतच्या कायदेशीर नियमांचे पालन झाले नसल्याचा ठपका सेबीने ठेवला आहे. याबाबत नियामकाला कळवले नसल्याचेही सेबीने बुधवारी स्पष्ट केले.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

Web Title: Sebi fines raj kundra shilpa shetty ssh

ताज्या बातम्या