‘सेन्सेक्स’मध्ये ७०१ अंश वाढ

मुंबई : जागतिक बाजारातील सकारात्मक संकेत आणि त्या परिणामी देशांतर्गत भांडवली बाजारात निर्देशांकात सर्वाधिक वजन असणाऱ्या रिलायन्स इंडस्ट्रीज, हिंदुस्थान युनिलिव्हर आणि इन्फोसिसच्या समभागात गुंतवणूकदारांनी खरेदीचा सपाटा लावला. परिणामी प्रमुख निर्देशांक गुरुवारी एक टक्क्याहून अधिक तेजी दर्शवित स्थिरावले. दिवसअखेर सेन्सेक्स ७०१.६७ अंशांनी उसळून ५७,५२१.०६ पातळीवर बंद झाला. निफ्टीने २०६.६५ अंशांची कमाई केली आणि तो १७,२४५.०५ पातळीवर स्थिरावला.