नारायण, नारायण.. डिजिटल युगातील

इन्फो एज ही कंपनी रोजगार, विवाह, स्थावर मालमत्ता वित्तीय सेवा, शिक्षण क्षेत्रांसाठी संकेतस्थळ व्यवस्थापन पाहते.

१९९५मध्ये स्थापना असलेल्या या कंपनीची शेअर बाजारात नोंदणी नोव्हेंबर २००६मध्ये झाली. या कंपनीच्या सात उपकंपन्या व सहा सहयोगी कंपन्या आहेत. या कंपन्यांतील नौकरी डॉट कॉम, जीवनसाथी डॉट कॉम व ९९एकर्स डॉट कॉम या तीन संकेतस्थळातून मिळणारा महसूल एकूण महसुलाच्या ७० टक्केआहे. कंपनीची भारतात ३२ शहरांतून ५२ विक्री कार्यालये तर मध्य पूर्वेत पाच कार्यालये आहेत. ३० सप्टेंबर २०१३ रोजीची एकूण कर्मचारी संख्या २,५६० आहे. स्वत:च्या मालकीच्या संकेतस्थळाव्यतिरिक्त कंपनी साहसी भांडवलपुरवठा करते. कंपनीने गुंतवणूक केलेल्या संकेतस्थळांची संख्या २१वर गेली आहे. पॉलिसीबाझार डॉट कॉम (जीवन विमा), हॅप्पीलीअनमॅरिड डॉट कॉम (गमतीच्या वस्तूंची विक्री) ही संकेतस्थळे कंपनीच्या साहस भांडवली पुरवठय़ातून विकसित झाली आहे. भारतीय नागरिकांव्यतिरिक्त अनिवासी भारतीयांकडून कंपनीच्या संकेतस्थळांचा वापर होतो.
भारतीय लोकसंख्येचे सरासरी वय ३६ असून ६५% नागरिक कमावत्या वयातील आहेत. २४% लोकसंख्या वय वष्रे २४ ते ३६ दरम्यान आहे. या वयातील ग्राहक कंपनीच्या जीवनसाथी व नौकरी या संकेतस्थळांचे वापरकत्रे आहेत. शिक्षण पूर्ण झाल्यावर पहिल्यांदा नोकरी शोधणाऱ्या तरुणांसाठी फर्स्टनौकरी डॉट कॉम हे संकेतस्थळ विकसित केले आहे.

नोकरी डॉट कॉम या संकेतस्थळावर ३३ कोटी स्वपरिचयपत्रे असलेला जगातील सर्वात मोठा संग्रह आहे. यापकी दररोज सुधारणा केल्या गेलेल्या स्वपरिचयपत्रांची सरासरी संख्या १,१६,००० आहे. नित्यनेमाने या संकेतस्थळाला भेट देणाऱ्यांची संख्या ५०,००० आहे. नोकरी खालोखाल जीवनसाथी हे महसूल देणारे संकेतस्थळ आहे.

भारतात इन्टरनेट वापरणाऱ्यांची संख्या १२ कोटी आहे. ही संख्या अमेरिका व चीन खालोखाल जगात तिसऱ्या क्रमांकावर आहे. जगातील गूगल किंवा याहू या ई-मेल खात्यांपकी प्रत्येक तिसरे खाते भारतीय व्यक्तीचे आहे. भारतातील इन्टरनेट वापरकर्त्यांच्या वाढीचा दर जगाच्या आश्चर्याचा विषय झाला आहे. २०१५मध्ये २० कोटी तर २०२०मध्ये भारतात ५० कोटी इंटरनेट वापरकत्रे असतील, असा अंदाज ‘नॅसकॉम’ या माहिती तंत्रज्ञान उद्योगाच्या शिखर संस्थेने व्यक्त केला आहे.
कंपनीच्या नोकरी डॉट कॉम या संकेतस्थळावर ३३ कोटी स्वपरिचयपत्रे असलेला जगातील सर्वात मोठा संग्रह आहे. यापकी दररोज सुधारणा केल्या गेलेल्या स्वपरिचयपत्रांची सरासरी संख्या १,१६,००० आहे. नित्यनेमाने या संकेतस्थळाला भेट देणाऱ्यांची संख्या ५०,००० आहे. नोकरी खालोखाल महसूल देणारे संकेतस्थळ जीवनसाथीच्या विक्रीत मागील वर्षांपेक्षा २७% तर नफ्यात ४९% वाढ झाली. इतर संकेतस्थळांचा एकूण नफ्यातील वाटा नोकरी व जीवनसाथीच्या या दोन संकेतस्थळांच्या मानाने नगण्य आहे.
दुसऱ्या तिमाहीचे निकाल वाईट नाहीत असे म्हणावे लागेल. कंपनीने मागील ३० तिमाहीत एकूण विक्रीच्या जाहिरात व प्रसिद्धी खर्चाचा वाटा सर्वात कमी केल्यामुळे नफाक्षमता वाढली. एकूण विक्रीत १४.६% तर निव्वळ नफ्यात १९.८% वाढ झाली. या तिमाहीत रोजगार व विवाह या दोन्ही व्यवसायांत कंपनीने आपल्या स्पर्धकापेक्षा उजवी कामगिरी केली आहे. रोजगार व्यवसायात पहिल्यांदाच १०%हून अधिक वाढ दिसून आली, तर इतर लहान व्यवसायात होणारा तोटा कमी झाला.
कंपनीची दुसऱ्या तिमाहीची विक्री १२३ कोटी रुपये तर याच काळातील खर्च ८३ कोटी रुपये होता. करपश्चात नफा ३३ कोटी होता. मागील आíथक वर्षांत या काळातील करपश्चात नफा २९ कोटी होता. ३१ मार्च २०१३ रोजी संपलेल्या वर्षांसाठी प्रति समभाग मिळकत ९.३६ होती, तर यावर्षी पहिल्या सहा महिन्यांची प्रति समभाग मिळकत ४.७५ आहे. आíथक वर्ष २०१४ साठी संपूर्ण वर्षांची प्रति समभाग मिळकत ११.३० असण्याची शक्यता लक्षात घेता एका वर्षांसाठीचे लक्ष्य रु. ५५० ते ५६५ दरम्यान असण्याची शक्यता आहे.
१९९५मध्ये स्थापना असलेल्या या कंपनीची शेअर बाजारात नोंदणी नोव्हेंबर २००६मध्ये झाली. या कंपनीच्या सात उपकंपन्या व सहा सहयोगी कंपन्या आहेत. कंपनीची भारतात ३२ शहरांतून ५२ विक्री कार्यालये तर मध्य पूर्वेत पाच कार्यालये आहेत. ३० सप्टेंबर २०१३ रोजीची एकूण कर्मचारी संख्या २,५६० आहे.