Today Horoscope in Marathi 3 August 2025: आज ३ ऑगस्ट २०२५ रोजी श्रावण शुद्ध पक्षातील नवमी तिथी आणि रविवार आहे. नवमी तिथी सकाळी ९ वाजून ४३ मिनिटांपर्यंत राहील. त्यानंतर दशमी तिथी सुरू होईल. ३ ऑगस्टला पूर्ण दिवस आणि रात्र संपवून ४ ऑगस्टच्या सकाळी ७ वाजून ५ मिनिटांपर्यंत ब्रह्मयोग राहील. तसेच, पूर्ण दिवस आणि रात्र संपवून ४ ऑगस्टच्या सकाळी ९ वाजून १३ मिनिटांपर्यंत अनुराधा नक्षत्र राहील. यानिमित्ताने ऑगस्ट महिन्यातील पहिला रविवार १२ राशींच्या नशिबी काय घेऊन येणार हे जाणून घेऊया…

०३ ऑगस्ट २०२५ राशिभविष्य व पंचांग (3 August 2025 Horoscope in Marathi)

मेष राशिभविष्य (Aries Horoscope 3 August)

उत्तम कौटुंबिक सौख्य लाभेल. सहकार्‍यांची बाजू समजून घ्या. त्रयस्थ व्यक्तीचा सल्ला घ्यावासा वाटेल. मित्राची चांगली मदत मिळेल. टीकेकडे दुर्लक्ष करावे.

वृषभ राशिभविष्य (Taurus Horoscope 3 August)

खर्च जपून करावा. आज आपल्या मनाप्रमाणे वागाल. कामाच्या ठिकाणी काही समस्या उद्भवू शकतात. कामे नियोजनबद्ध करावीत. जवळच्या व्यक्तीचा आधी विचार करावा.

मिथुन राशिभविष्य (Gemini Horoscope 3 August)

नवीन योजना राबवताना संपूर्ण खबरदारी घ्यावी. अघळ-पघळ बोलणे टाळावे. गोड बोलण्यावर भर द्यावा. जबाबदारी नेटाने पार पाडावी लागेल. आळस झटकून कामाला लागावे.

कर्क राशिभविष्य (Cancer Horoscope 3 August)

व्यावसायिक अडचणींवर कौशल्याने मात कराल. चिंतामुक्त व्हाल. हाती घेतलेली कामे नियोजनाने पूर्ण कराल. नवीन संधी उपलब्ध होईल. कामाची दगदग जाणवेल.

हेही वाचा

सिंह राशिभविष्य (Leo Horoscope 3 August)

वादाच्या मुद्यांकडे दुर्लक्ष करावे. जोडीदाराकडून अपेक्षित साथ मिळेल. थोडेफार मनाचेही ऐकावे. हाती घेतलेल्या कामात निष्काळजीपणा करू नका. मनातील इच्छा पूर्ण होईल.

कन्या राशिभविष्य (Virgo Horoscope 3 August)

नवीन तंत्र शिकून घ्यावे. व्यवसायात धाडस करताना सावध राहावे. मेहनतीचे महत्व लक्षात घ्यावे. भाग्यावर विसंबून राहू नका. मित्रांची नाराजी ओढवून घेऊ नका.

तूळ राशिभविष्य (Libra Horoscope 3 August)

संमिश्र घटनांचा दिवस. नोकरीत सहकार्‍यांकडून मदतीची अपेक्षा ठेऊ नका. मनाचा गोंधळ निर्माण होऊ शकतो. घाईगडबडीत निर्णय घेऊ नका. ज्येष्ठांचा सल्ला उपयुक्त ठरेल.

वृश्चिक राशिभविष्य (Scorpio Horoscope 3 August)

व्यवसायीकांना नवीन संधी चालून येतील. आर्थिक स्थिती सुधारता येईल. प्रकृती स्वास्थ्य उत्तम राहील. नवीन ओळखी जनसंपर्कात भर टाकतील. काही परिवर्तन घडून येईल.

धनु राशिभविष्य (Sagittarius Horoscope 3 August)

उत्साहवर्धक घटना घडतील. मित्रांकडून भेटवस्तू मिळेल. वरिष्ठ तुमच्या कामाचे कौतुक करतील. कौटुंबिक वातावरण आनंदी राहील. विवाह विषयक बोलणी पुढे सरकतील.

मकर राशिभविष्य (Capricorn Horoscope 3 August)

दिवस मजेत जाईल. आपल्याला अपेक्षित प्रेम लाभेल. काही नवीन गोष्टी आत्मसात करू शकाल. कौटुंबिक जबाबदार्‍या पार पाडाल. सुखद घटना घडू शकतात.

कुंभ राशिभविष्य (Aquarius Horoscope 3 August)

भूतकाळातील गोष्टींची जाणीव जागृत ठेवाल. पोटाच्या तक्रारी जाणवतील. ज्येष्ठ बंधुचा सल्ला घ्यावा. व्यवहार करताना सावधगिरी बाळगावी. रागावर नियंत्रण ठेवावे.

मीन राशिभविष्य (Pisces Horoscope 3 August)

जवळच्या माणसांशी वाद टाळावेत. वेळ जपून वापरावा. हातातील कामात गांभीर्याने लक्ष घाला. नोकरदार वर्गाला दिवस चांगला जाईल. उगाच चिडचिड करू नका.

ज्योतिषी विद्याधर करंदीकर