Today Horoscope In Marathi, 7 July 2025: आज ७ जुलै २०२५ रोजी आषाढ महिन्याच्या शुक्ल पक्षातील द्वादशी तिथी आहे. द्वादशी तिथी रात्री ११ वाजून ११ मिनिटांपर्यंत असणार आहे. आज रात्री १० वाजून ३ मिनिटांपर्यंत शुभ योग जुळून येईल. रात्री १ वाजून १२ मिनिटांपर्यंत अनुराधा नक्षत्र जागृत असणार आहे. राहू काळ ७:३० वाजता सुरु होईल ते ९ वाजेपर्यंत असणार आहे. तर तुमच्या आठवड्याची आनंदात होणार का जाणून घेऊया…
७ जुलै २०२५ पंचांग व राशिभविष्य (Today Horoscope In Marathi, 7 July 2025 )
आजचे मेष राशिभविष्य (Aries Horoscope In Marathi)
कामात जैसे थे परिस्थिती राहील. काही जबाबदार्‍या नव्याने वाढतील. आवडी निवडीबाबत आग्रही राहाल. कौटुंबिक सौख्याला प्राधान्य द्याल. चटपटीत पदार्थ खाण्याची हौस पूर्ण होईल.
आजचे वृषभ राशिभविष्य (Taurus Horoscope In Marathi)
सर्वांशी तोंडात साखर ठेवून वागाल. लोक तुमच्याकडे आकर्षित होतील. चार चौघात मिळून मिसळून वागाल. नवीन ओळखीतून मैत्री वाढेल. हौस पूर्ण करून घ्याल.
आजचे मिथुन राशिभविष्य (Gemini Horoscope In Marathi)
वरिष्ठांच्या सल्ल्याने तजवीज करावी. कौटुंबिक जबाबदारी वाढेल. तसेच काही खर्च देखील वाढतील. मानसिक दोलायमानता दूर करावी. कामाचे नियोजन यशस्वी होईल.
आजचे कर्क राशिभविष्य (Cancer Horoscope In Marathi)
कामाचा आवाका लक्षात घ्या. क्षुल्लक गोष्टींमुळे कामे रेंगाळू शकतात. अडथळ्यातून प्रयत्नाने मार्ग काढावा. कौटुंबिक खर्च वाढू शकतो. मनातील इच्छा पूर्ण होईल.
आजचे सिंह राशिभविष्य (Leo Horoscope In Marathi)
तरूणांशी मैत्री वाढेल. त्यांचे नवीन विचार जाणून घ्याल. बरेच दिवसा नंतर जुने मित्र भेटतील. कलेचे योग्य प्रशस्तिपत्रक मिळेल.
आजचे कन्या राशिभविष्य (Virgo Horoscope In Marathi)
एकाच वेळी अनेक कामे अंगावर घेऊ नका. परोपकाराची जाणीव ठेवाल. इतरांच्या आनंदात सहभागी व्हाल. चार चौघांसमोर तुमची कला सादर करता येईल. मुलांकडून गोड बातम्या मिळतील.
आजचे तूळ राशिभविष्य (Libra Horoscope In Marathi)
कमतरता भरून काढण्याचा प्रयत्न कराल. सासुरवाडीकडून मदत मिळेल. सांपत्तिक दर्जा सुधारण्याचा प्रयत्न कराल. मनातील इच्छा पूर्ण होईल. मोठ्या लोकांची ओळख होईल.
आजचे वृश्चिक राशिभविष्य (Scorpio Horoscope In Marathi)
जुने प्रश्न मार्गी लावाल. कामाचा ताण वाढू शकतो. वडीलधार्‍यांचा विरोध सहन करावा लागेल. मनातील निराशा झटकून टाका. जुन्या मित्रांशी संपर्क साधता येईल.
आजचे धनू राशिभविष्य (Sagittarius Horoscope In Marathi)
सामाजिक गोष्टींचे भान राखावे लागेल. प्रामाणिक प्रयत्नांना आपलेसे कराल. फटकळपणे बोलणे टाळा. वाईट संगतीचा मार्ग स्वीकारू नका. पत्नीशी मतभेद होण्याची शक्यता.
आजचे मकर राशिभविष्य (Capricorn Horoscope In Marathi)
कामातील ऊर्जा वाढेल. चिकाटी कमी पडू देऊ नका. सारासार विचाराने उलाढाल करा. प्रेमप्रकरणाला नवीन चैतन्य लाभेल. एकमेकांचे विचार जाणून घ्याल.
आजचे कुंभ राशिभविष्य (Aquarius Horoscope In Marathi)
घरात आनंद निर्माण करण्याचा प्रयत्न कराल. कौटुंबिक सुखसोईंकडे विशेष लक्ष द्याल. जवळच्या ठिकाणी फिरायला जाता येईल. उत्तम वाहन सौख्य लाभेल. मानसिक आनंदाचा दिवस
आजचे मीन राशिभविष्य (Pisces Horoscope In Marathi)
प्रवासाची आवड भागवाल. हस्तकलेचे कौतुक केले जाईल. नवीन वाद्य शिकायला सुरवात करावी. जवळच्या मित्र मंडळींमध्ये दिवस घालवाल. गैरसमजाची ठिणगी पडू देऊ नका.
ज्योतिषी विद्याधर करंदीकर
