Rakshabandhan 9 August Horoscope: दरवर्षी श्रावण पौर्णिमेला राखी पौर्णिमा किंवा रक्षाबंधन साजरा केला जातो. यावर्षी ९ ऑगस्टला रक्षाबंधन आहे. यावर्षी रक्षाबंधनाच्या दिवशी गजलक्ष्मी, नवपंचमी, समसप्तक, सर्वार्थ सिद्धी असे अनेक शुभ योग तयार होणार आहेत. तसेच नवग्रहांमधील सर्वात शक्तिशाली मानला जाणारा शनी हाही त्या दिवशी मंगळासोबत संयोग करून प्रतियुति योग तयार करणार आहे, ज्यामुळे काही राशींच्या लोकांना खास फायदा होऊ शकतो.
सध्या मंगळ कन्या राशीत आहे आणि शनी वक्री अवस्थेत मीन राशीत आहे. त्यामुळे काही राशींच्या लोकांना नशिबाची साथ मिळेल. अचानक धनलाभ होईल आणि भाऊ-बहिणींचा वेळ आनंदात जाईल. आता पाहूया त्या भाग्यवान राशी कोणत्या…
वैदिक ज्योतिषानुसार, या दिवशी ग्रहांचा सेनापती दुहेरी राजयोग तयार करत आहे. एका बाजूला तो शनिसोबत संयोग करून प्रतियुति योग तयार करत आहे, तर अरुणसोबत संयोग करून नवपंचम राजयोग निर्माण होत आहे. ९ ऑगस्ट रोजी सकाळी १२ वाजून १० मिनिटांनी मंगळ आणि अरुण एकमेकांपासून १२० अंशांवर असतील, ज्यामुळे नवपंचम राजयोग बनेल. तसेच सकाळी ८ वाजून १८ मिनिटांनी मंगळ आणि शनी एकमेकांपासून १८० अंशांवर असतील, ज्यामुळे प्रतियुति योग तयार होईल.
मेष राशी (Aries Horoscope 9 August)
मेष राशीसाठी सध्या मंगळ सहाव्या भावात असेल आणि त्याच्यावर शनीची दृष्टिही असेल. अशा वेळी शनी-मंगळाचा प्रतियुति योग या राशीच्या लोकांना अनेक क्षेत्रांत फायदा देऊ शकतो. तरीही काही गोष्टींमध्ये विचारपूर्वक निर्णय घ्या. या राशीत शनी साडेसातीचा पहिला टप्पा सुरू आहे. त्यामुळे शनिच्या प्रतियुतीमुळे या राशीच्या लोकांना विशेष लाभ मिळू शकतो. या योगामुळे आंतरराष्ट्रीय व्यापार करणाऱ्या लोकांना खास संधी मिळतील. परदेशातील चालू व्यवसायातून चांगला नफा मिळू शकतो. आयात-निर्यात क्षेत्रातही सकारात्मक परिणाम दिसतील. मंगळ आपल्या चौथ्या दृष्टीनं तुमच्या नवव्या भावावर प्रभाव टाकेल, ज्यामुळे भाग्याची पूर्ण साथ मिळण्याचे योग आहेत. बराच काळ अडकलेली कामे पूर्ण होऊ शकतात, आत्मविश्वास वाढेल आणि मेहनत व जिद्दीच्या जोरावर तुम्ही अनेक क्षेत्रांत यश मिळवू शकता.
तूळ राशी (Libra Horoscope 9 August)
शनी-मंगळाचा प्रतियुति योग या राशीच्या लोकांसाठी अनेक क्षेत्रांत फायदेशीर ठरू शकतो. सध्या मंगळ तुमच्या राशीच्या १२व्या भावात असेल. त्यामुळे या राशीच्या लोकांना अनेक क्षेत्रांत मोठे यश मिळू शकते. जीवनात नवी दिशा मिळू शकते. तुम्ही गुंतवणूक करण्याचा विचार करत असाल, तर हा योग्य काळ आहे. ही गुंतवणूक पुढील काळात तुमचा व्यवसाय वाढवण्यासाठी किंवा भविष्य सुरक्षित करण्यासाठी मदत करेल. या योगामुळे परदेश प्रवासाची संधीही मिळू शकते. व्यापार भावाचा स्वामी मंगळ १२व्या भावातून शनीकडे पाहील, त्यामुळे प्रवास, पर्यटन किंवा परदेशी व्यापारातून फायदा होण्याची शक्यता आहे. परदेशात नोकरी करण्याचे स्वप्नही पूर्ण होऊ शकते. यासोबत धार्मिक आणि तीर्थयात्रांचेही योग बनत आहेत.
मीन राशी (Pisces Horoscope 9 August)
मीन राशीच्या लोकांसाठी प्रतियुति योग खूप फायदेशीर ठरू शकतो. या राशीत शनी लग्न भावात वक्री अवस्थेत आहे. तसेच शनीची साडेसातीचा दुसरा टप्पा सुरू आहे. रक्षाबंधनाच्या वेळी शनी वक्री अवस्थेत राहील, त्यामुळे नकारात्मक परिणामांमध्ये थोडी कमी होऊ शकते. या काळात तुमच्या मेहनतीचे योग्य फळ मिळण्याची शक्यता आहे. व्यापार, पैसा, नोकरी, कुटुंब किंवा मुलांच्या शिक्षणात लाभाच्या संधी मिळू शकतात. जे निर्णय तुम्ही आतापर्यंत घेऊ शकत नव्हता, ते आता ठामपणे घेऊ शकाल, कारण शनी लग्न भावाला मजबूत करेल. यामुळे तुमच्या व्यक्तिमत्त्वात ताकद आणि आत्मविश्वासात चांगली वाढ होईल. तसेच, सोशल मीडियाच्या माध्यमातून परदेशात संपर्क करून जर तुम्ही नवे काम किंवा व्यवसाय सुरू केला, तर त्यात विशेष यश मिळण्याचे योग आहेत.
