पोटातील गॅस झटक्यात बाहेर काढेल ‘हे’ जादुई पाणी; सकाळी उठल्यावर न चुकता करा सेवन

एका वीकेंडच्या भागात, तान्याने सांगितले की, ती अमालसाठी वेलचीयुक्त पाणी बनवणार आहे. तिने कॅमेऱ्यासमोर असेही म्हटले की, त्यासाठी ती आपल्या गावी ग्वाल्हेरलाही जाऊ शकते. दररोज वेलचीचे पाणी पिणे तुमच्या आरोग्यासाठी फायदेशीर आहे का ? हे जाणून घेण्यासाठी बातमी अगदी शेवटपर्यंत वाचा…

वेलचीचे पाणी पिण्याचे फायदे

वेलची कोमट पाण्यात भिजवल्यानंतर ते पाणी एक ‘जादुई पेय’ बनते. मग पचन सुधारण्यासाठी, हृदयाचे आरोग्य चांगले ठेवण्यासाठी, श्वसनाच्या तक्रारी कमी करण्यासाठी आणि त्वचेची चमक वाढवण्यासाठी उपयुक्त मानले जाते.

पचनक्रिया सुधारते – वेलचीचे पाणी पोटफुगी, गॅस किंवा अपचन कमी करण्यास मदत करते. हा मसाला पित्तात आम्लाचे उत्पादन वाढवतो, ज्यामुळे अन्नाचे विघटन होण्यास मदत होते.

तोंडासाठी फायदेशीर – वेलचीमध्ये असणाऱ्या जंतुनाशक गुणधर्मांमुळे तोंडातील जंतू नष्ट होतात, दुर्गंधी कमी होते आणि तोंडाचे आरोग्य टिकून राहते.

हृदयाचे आरोग्य सुधारते – अँटिऑक्सिडंट्स आणि पोटॅशियमने समृद्ध असलेल्या वेलचीच्या पाण्यामुळे रक्तदाब नियंत्रित करण्यास, ऑक्सिडेटिव्ह स्ट्रेस (ताण) कमी करण्यास मदत होऊ शकते. त्यामुळे अँटिऑक्सिडंट्स आणि पोटॅशियम हृदयाच्या आरोग्यासाठी महत्त्वाचे आहेत.

श्वसनास आधार – वेलचीचे पेय कफ साफ करण्यास, नाकातील रक्तसंचय कमी करण्यास आणि फुप्फुसांच्या आरोग्यास मदत करतात. त्यामुळे असा दावा केला जात आहे की, दमा किंवा ब्राँकायटिस असलेल्यांसाठी हे संभाव्यतः फायदेशीर आहे.

त्वचेचे फायदे – वेलचीचे पाणी त्यातील अँटिऑक्सिडंट गुणधर्मामुळे लवकर वृद्धत्व येण्याची लक्षणे कमी करण्यास मदत करू शकते. त्यामुळे ते त्वचेची लवचिकता टिकवून ठेवू शकते आणि चेहऱ्याची चमक वाढवू शकते.

वेलचीच्या पाण्याचे सेवन कधी करावे?

पाणी थोडे गरम करा आणि त्यात काही वेलची घाला, काही मिनिटे भिजू द्या, नंतर हळूहळू प्यायला सुरुवात करा. जेवणादरम्यान किंवा सकाळी पहिल्यांदा प्यायल्यास ते उत्तम काम करते. (अर्थात, जर तुम्हाला आरोग्य समस्या असतील किंवा तुम्ही गर्भवती असाल, तर डॉक्टरांचा सल्ला जरूर घ्या.)