Chanakya Niti Quotes in Marathi: आचार्य चाणक्य यांनी नीतीशास्त्र आणि अर्थशास्त्रासह जीवनाच्या विविध पैलूंवर बऱ्याच गोष्टी सांगितल्या आहेत. चाणक्य हे आर्थिक, राजकीय, मुत्सद्दी तज्ज्ञ मानले जातात. आचार्य चाणक्य यांच्या चाणक्य नीतीमधील कित्येक गोष्टी आजच्या परिस्थितीतही लागू होतात. चाणक्यांनी आपल्या नीतीशास्त्रात जीवनातील समस्यांचे निराकरण केले आहे. त्यांनी त्यांच्या नीतीशास्त्रात जगातील एका शक्तिशाली गोष्टीविषयी सांगितले आहे. चाणक्यांनी यश मिळवण्यासाठी एक गोष्ट सांगितली आहे, जी जगातील सर्वात शक्तिशाली गोष्ट आहे. चला तर जाणून घेऊया चाणक्यांनी जगातील कोणती शक्तिशाली गोष्ट सांगितली आहे.
१. वेळेचा सदुपयोग
चाणक्य यांनी सांगितले आहे की, जगातील सर्वात शक्तिशाली गोष्ट म्हणजे वेळ. काहीही झाले तरी वेळ कोणासाठी थांबत नाही. वेळेचा सदुपयोग केला पाहिजे. चाणक्य यांनी आपल्या नीतींमध्ये योग्य वेळी योग्य संधी ओळखून त्यांचा फायदा घेण्यावर भर दिला आहे, त्यामुळे ज्याला वेळेची किंमत कळते तो आयुष्यात कधीच हरत नाही.
२. ध्येय साध्य
चाणक्य म्हणतात की, माणसाचे नशीब बदलायला वेळ कधीच लागत नाही. आपले ध्येय साध्य करण्यासाठी जे योग्य वेळी निर्णय घेतात त्यांना यश नक्कीच मिळते. त्यांना भविष्यात फार कमी समस्यांना सामोरे जावे लागते आणि हे सर्व वेळेचे महत्त्व समजून आणि त्याचा योग्य वापर केल्यामुळे शक्य झाले आहे.
३. लक्ष्मी देवीचा आशीर्वाद
चाणक्याच्या मते, धनाची देवी लक्ष्मी ज्यांना वेळेची किंमत समजते त्यांच्यावर नेहमी प्रसन्न असते. असे लोक योग्य वेळी योग्य काम करतात, त्यामुळे त्यांचा मार्ग खूप सोपा होतो. उदाहरणार्थ, विद्यार्थी जीवनात, विद्यार्थ्यांनी पूर्ण एकाग्रतेने अभ्यास केला पाहिजे आणि तारुण्यात आपल्या कामाबद्दल सजग व प्रामाणिक राहावे. जे लोक या नियमाचा आपल्या जीवनात अवलंब करतात, त्यांच्यावर लक्ष्मीची कृपा सदैव राहते.
याउलट, जे आजचे काम उद्यासाठी सोडून देतात किंवा आपली कामे वेळेवर पूर्ण करत नाहीत, ते धनदेवतेच्या आशीर्वादापासून नेहमीच वंचित राहतात. अशा लोकांच्या जीवनात धन आणि सुखाची कमतरता नेहमीच असते.
४. चांगल्या काळात गर्व करू नका
चाणक्य सांगतात की, जेव्हा एखादी व्यक्ती चांगल्या काळातून जात असते तेव्हा त्याच्यांत अभिमान आणि अहंकार वाढू लागतो. अशा लोकांमध्ये मानवी गुणांची कमतरता असते. हे लोक चांगलं आणि वाईट भेद करायला विसरतात. पण एक ना एक दिवस त्यांना त्यांच्या कृत्याबद्दल नक्कीच पश्चाताप होतो. त्यांचा अभिमान आणि अहंकार पाहून मित्र आणि नातेवाईक त्यांच्यापासून दुरावतात आणि जेव्हा अशा व्यक्तीवर वाईट वेळ येते, तेव्हा कोणीही त्याच्या मदतीसाठी पुढे येत नाही.
(Disclaimer – या ठिकाणी दिलेली माहिती प्राप्त माहितीवर आधारित असून ती केवळ माहितीसाठी दिली जात आहे.)
