• मेष:-
    दिवस मनाजोगा व्यतीत कराल. मैत्रीचे संबंध दृढ होतील. मुलांकडून चांगल्या बातम्या मिळतील. छंद जोपासायला वेगळा वेळ काढाल. ज्ञानाचा योग्य ठिकाणी वापर कराल.
  • वृषभ:-
    कौटुंबिक सौख्यात वाढ होईल. दिवस आनंददायी जाईल. मुलांच्या धडपडीकडे लक्ष द्यावे. जवळचे नातेवाईक भेटतील. मित्रांचा गोतावळा जमवाल.
  • मिथुन:-
    जवळचा प्रवास सुखाचा होईल. कामात भावंडांचा हातभार लाभेल. तुमच्यातील कलेला प्रसिद्धी मिळेल. लिखाणाचे कौतुक केले जाईल. स्वावलंबनाला महत्व द्याल.
  • कर्क:-
    स्वत:पुरता विचार करू नका. आपल्या कार्यात इतरांना सहभागी करून घ्या. गृहिणींना कर्तेपणाचा मान मिळेल. खाण्या-पिण्याची आवड दर्शवाल. स्वार्थ बाजूला सारावा.
  • सिंह:-
    मानसिक व्यग्रता जाणवेल. दूरच्या प्रवासाचा योग येईल. तुमच्यातील ठामपणा सोडू नका. नसत्या काळज्या करू नयेत. काही कामात अडकून पडाल.
  • कन्या:-
    बाहेरील पदार्थ खाऊ नका. पित्ताचा त्रास वाढू शकतो. व्यावसायिक लाभावर लक्ष ठेवा. कौटुंबिक जबाबदारी अंगावर येऊन पडेल. उगाच चीड-चीड करू नये.
  • तूळ:-
    कामाचा वेग वाढेल. दिवसभर कामाची व्यग्रता जाणवेल. सामाजिक वादात पडू नका. अधिकारी व्यक्तींच्या ओळखीचा फायदा होईल. कामात स्त्री-वर्गाचा हातभार लाभेल.
  • वृश्चिक:-
    कामाच्या ठिकाणी कौतुक केले जाईल. सामाजिक दर्जा सुधारेल. हातातील कामात यश येईल. तुमचा अंदाज अचूक ठरेल. उद्दिष्ट गाठण्याचा प्रयत्न करावा.
  • धनु:-
    योग्य संधीसाठी वाट पहावी. नि:स्वार्थीपणे मदत कराल. वरिष्ठांकडून कौतुक केले जाईल. वडिलांची कौतुकाची थाप पाठीवर पडेल. कर्तृत्वाला वाव देण्याचा प्रयत्न करावा.
  • मकर:-
    काही कामे विनासायास पार पडतील. अंगीभूत कलेचे कौतुक केले जाईल. सरकारी कामात अडकून पडाल. मनातील इच्छा पूर्ण कराल. विचारांची दिशा बदलून पहावी.
  • कुंभ:-
    जोडीदाराच्या आरोग्याची काळजी घ्यावी. भागीदारीतील व्यवहाराकडे लक्ष घालाल. पराभवाला घाबरू नका. वैवाहिक सौख्य उत्तम लाभेल. लोकोपवादाकडे दुर्लक्ष करा.
  • मीन:-
    जोडीदाराची बाजू ऐकून घ्यावी. गैरसमजाला मनात थारा देऊ नका. पोटाची काळजी घ्यावी. हाताखालच्या कामगारांची उत्तम साथ मिळेल. नातेवाईकांच्या भेटीने संतुष्ट व्हाल.

    – ज्योतिषी विद्याधर करंदीकर