Daily Horoscope: इंद्र योगातील आजचा दिवस १२ राशींसाठी कसा जाईल? कोणाला प्रश्नांची उत्तरे मिळतील तर कोण दिवसभर राहील प्रसन्न? वाचा राशिभविष्य

३० ऑगस्ट २०२५ पंचांग व राशिभविष्य (Rashi Bhavishya In Marathi, 30 August 2025 )

दैनिक मेष राशिभविष्य (Aries Horoscope Today in Marathi)

जुनी येणी वसूल होतील. आवडीच्या पदार्थांचा आस्वाद घ्याल. दिवसभर प्रसन्नता राहील. घरगुती कामे मनाजोगी पार पडतील. पालकांचे शुभ आशीर्वाद मिळतील.

दैनिक वृषभ राशिभविष्य (Taurus Horoscope Today in Marathi)

आपल्या वागण्या बोलण्यात मृदुता दिसून येईल. थोडे कमी बोलण्यावर भर द्या. मनातील सर्व चिंता काढून टाकाव्यात. निर्भीडपणे कार्यरत राहावे. कामातून मिळणार्‍या फळाकडे फार महत्त्व देऊ नका.

दैनिक मिथुन राशिभविष्य (Gemini Horoscope Today In Marathi)

मानसिक स्थैर्य बाळगा. स्वप्नाळू वृत्तीतून बाहेर या. पैशांचा उपयोग गरजेसाठी करावा. कौटुंबिक चर्चा हिताची ठरेल. नियमित व्यवहारात खंड पडू देऊ नका.

दैनिक कर्क राशिभविष्य (Cancer Horoscope Today in Marathi)

गोंधळलेल्या अवस्थेतून बाहेर या. मनातील इच्छा पूर्णत्वास जाईल. चूक मान्य करावी. नात्यातील कटुता टाळण्याचा प्रयत्न करावा. भौतिक सुखावर खर्च कराल.

दैनिक सिंह राशिभविष्य (Leo Horoscope Today in Marathi)

बक्षि‍सास पात्र व्हाल. वरिष्ठांची मर्जी सांभाळा. कामे समाधानकारक रित्या पार पडतील. नवीन योजनांवर काम चालू करण्यास उत्तम दिवस. आत्मविश्वास वाढीस लागेल.

दैनिक कन्या राशिभविष्य (Virgo Horoscope Today in Marathi)

घरात धार्मिक कार्यासंबंधी बोलणी कराल. डोकेदुखीचा त्रास संभवतो. व्यस्त दिनक्रमामुळे थकवा जाणवेल. दिवस बर्‍यापैकी अनुकूल राहील. ज्येष्ठ बंधुंचे सहकार्य लाभेल.

दैनिक तूळ राशिभविष्य (Libra Horoscope Today in Marathi)

आपलाच विचार पारखून घ्यावा. जोडीदाराचा विचार जाणून घेऊन मगच प्रतिक्रिया द्या. विद्यार्थी नवीन गोष्टी शिकण्यास उत्साही राहतील. वरिष्ठांचे सहकार्य लाभेल. मुलांकडून आनंद वार्ता मिळतील.

दैनिक वृश्चिक राशिभविष्य (Scorpio Horoscope Today in Marathi)

संपर्कातील लोकांचे सहकार्य लाभेल. जुनी येणी वसूल होतील. मन प्रफुल्लित व प्रसन्न राहील. वैवाहिक जीवन सुखमय राहील. एखादी नवीन ओळख होईल.

दैनिक धनू राशिभविष्य (Sagittarius Horoscope Today In Marathi)

मनाची चंचलता काबूत ठेवा. तुमचा सल्ला विचारात जाईल. व्यायामाची आवड निर्माण होईल. तुमच्या ज्ञानात भर पडेल. गुंतवणूक करताना सारासार विचार करा.

दैनिक मकर राशिभविष्य (Capricorn Horoscope Today in Marathi)

गूढ विचारात रमून जाल. मुलांशी मन मोकळ्या चर्चा कराल. दिवस खिलाडु वृत्तीने घालवाल. घरातील वातावरण तप्त राहू शकते. उगाचच विरोध दर्शवू नका.

दैनिक कुंभ राशिभविष्य (Aquarius Horoscope Today in Marathi)

घरातील कामे आवडीने कराल. कौटुंबिक गोष्टींत अधिक वेळ घालवाल. हातातील अधिकारात वाढ होईल. मित्रांचे मोलाचे सहकार्य लाभेल. भागीदारीत समाधानी राहाल.

दैनिक मीन राशिभविष्य (Pisces Horoscope Today in Marathi)

बरेच दिवस वाट पाहत असलेल्या उत्तराची प्रतीक्षा संपेल. जोडीदाराकडून अनपेक्षित लाभ होईल. जबाबदारी वाढण्याची शक्यता. निसर्ग-सौंदर्यात रमून जाल. संपूर्ण क्षमतेने कार्यरत राहाल.

ज्योतिषी विद्याधर करंदीकर