Lord Shani Dev Remedies: शनिदेवाची कृपा मिळवण्यासाठी शनिवारी करा हे सोपे उपाय; नशीब अचानक बदलून जाईल

शमीच्या झाडाची पूजा करा

शनिदेवाचा प्रकोप टाळण्यासाठी सर्वप्रथम शनिदेवाची विशेष पूजा करावी. तसेच शनि चालिसाचा पाठ करा आणि शनि मंत्राचा जप करा. तसेच शमीच्या झाडाची पूजा करावी. शमी वृक्षाची पूजा केल्याने माणसावर शनिदेवाची कृपा होते, असे सनातन धर्मग्रंथांमध्ये नमूद केले आहे. शनिवारी शमीचे झाड लावल्याने व्यक्तीला सौभाग्य प्राप्त होते.

( हे ही वाचा: Mangal Gochar in Mesh Rashi: ‘या’ ४ राशींनी येणाऱ्या २० दिवसात सावध राहिलं पाहिजे; होऊ शकते मोठे नुकसान)

काळी मिरी दान करा

ज्योतिषांवर विश्वास ठेवला तर, शनिवारी काळ्या कपड्यात ११ रुपये आणि थोडी काळी मिरी दान केल्याने शनीच्या साडेसतीचा प्रभाव कमी होतो. ज्योतिषशास्त्रानुसार साडेसतीचे तीन चरण आहेत. या अवस्थेत माणसाला मानसिक, शारीरिक आणि आर्थिक अडचणीतून जावे लागते.

पोपटाला मुक्त करा

शास्त्रानुसार शनिदेवाची कृपा मिळवण्यासाठी पोपटाला पिंजऱ्यातून मुक्त करावे. त्यासाठी बाजारातून पिंजरा सहित असलेला पोपट विकत घेऊन आणा. आता पोपट घरी घेऊन पोपटाला पिंजऱ्यातून मुक्त करा. असे केल्याने जीवनात सौभाग्य प्राप्त होते. पोपट जेवढा दूर जातो तेवढाच त्या व्यक्तीच्या नशिबात देखील वाढ होते.

(येथे दिलेली माहिती गृहीतके आणि सामान्य माहितीवर आधारित आहे.)