Guru Uday: २३ मार्चपासून ‘या’ तीन राशींवर असेल गुरू बृहस्पतींची कृपा, जाणून घ्या

मेष: या राशीच्या लोकांसाठी २३ मार्चपासून चांगला काळ सुरू होणार आहे. कारण ११ व्या भावात गुरुचा उदय होत आहे. या स्थानाला उत्पन्न आणि लाभाचे स्थान म्हणतात. यावेळी तुमचे उत्पन्न वाढू शकते. तसेच उत्पन्नाचे नवीन स्त्रोत निर्माण होऊ शकतात. व्यवसायात चांगला फायदा होऊ शकतो. प्रतिष्ठा वाढू शकते. तसेच जागा बदलण्याची शक्यता आहे. व्यवसायात नवीन करार निश्चित केला जाऊ शकतो, जो भविष्यात तुमच्यासाठी फायदेशीर ठरू शकतो.

वृषभ: गुरूचा उदय तुमच्यासाठी शुभ असू शकतो. कारण तुमच्या कुंडलीत दशम भावात गुरुचा उदय होईल. या स्थानाला नोकरी आणि करिअरचं स्थान म्हणतात. तुमच्या व्यवसायात चांगली वाढ होऊ शकते. तसेच नवीन नोकरीची ऑफर येऊ शकते. राजकारणात चांगले यश मिळू शकते. ज्यांची वेतनवाढ थांबली होती त्यांना वेतनवाढ मिळू शकते. नवीन व्यवसाय सुरु करण्यास अनुकूल काळ आहे. या काळात तुमची कार्यशैली देखील सुधारेल. यामुळे तुमचं कामाच्या ठिकाणी कौतुक होईल.

मायावी ग्रह राहु करणार मेष राशीत प्रवेश, ‘या’ राशींना मिळणार जबरदस्त आर्थिक लाभ

सिंह: गुरूचा उदय तुमच्यासाठी फायदेशीर ठरू शकतो. कारण बृहस्पतींचा सातव्या भावात उदय होत आहे. वैवाहिक जीवन आणि भागीदारीचे स्थान आहे. या काळात तुमच्या वैवाहिक जीवनात जोडीदाराची चांगली साथ मिळेल. भागीदारीच्या कामात यश मिळेल. तसेच जे लोक अविवाहित आहेत त्यांना या काळात लग्नासाठी विचारणा होईल.