24 August Ardhakendra Yog: वैदिक ज्योतिषानुसार, नवग्रह काही काळानंतर आपली राशी बदलतात. त्याचा परिणाम १२ राशींवर तसेच देश-विदेशात दिसतो. देवतांचे गुरु वर्षातून एकदा राशी बदलतात. त्यामुळे कधी ना कधी त्यांची इतर ग्रहांबरोबर युती होते.
आता गुरुची युती ग्रहांचा राजा सूर्याबरोबर होत आहे, ज्यामुळे अर्धकेंद्र योग तयार होत आहे. सध्या सूर्य सिंह राशीत आणि गुरु मिथुन राशीत आहेत. सूर्य-गुरु यांच्या या संयोगामुळे तयार झालेला अर्धकेंद्र योग काही राशींच्या लोकांच्या आयुष्यात आनंद आणि चांगले परिणाम आणू शकतो. चला तर मग पाहूया या भाग्यवान राशी कोणत्या आहेत…
वैदिक पंचांगानुसार, २४ ऑगस्ट रोजी दुपारी २ वाजून २२ मिनिटांनी सूर्य आणि गुरु ४५ अंशावर येणार आहेत, त्यामुळे अर्धकेंद्र योग तयार होत आहे. या वेळी गुरु आपल्या मित्र ग्रहाची मिथुन राशीत आणि सूर्य स्वतःच्या सिंह राशीत आहेत. त्यामुळे या दोघांचा संयोग काही राशींच्या लोकांचे नशीब उजळवू शकतो.
मिथुन राशी (Gemini Horoscope)
या राशीच्या लोकांसाठी सूर्य-गुरुचा अर्धकेंद्र योग खूप फायदेशीर ठरू शकतो. या राशीच्या लग्न भावात गुरु आणि तिसऱ्या भावात सूर्य आहेत. त्यामुळे या राशीच्या लोकांना अनेक क्षेत्रात मोठे यश आणि धनलाभ होऊ शकतो.
तुम्ही ज्या कामासाठी जास्त मेहनत करत आहात, त्यात आता यश मिळू शकते. समाजात मान-सन्मान वाढू शकतो. कोर्ट-कचेर्‍या किंवा सरकारी कामांमध्येही यश मिळण्याची शक्यता आहे. आरोग्य चांगले राहील. तुम्ही तुमच्या स्पर्धकांना जोरदार टक्कर देऊ शकता. तसेच आत्मविश्वास वाढेल.
कर्क राशी (Cancer Horoscope)
या राशीच्या लोकांसाठी गुरु-सूर्याचा अर्धकेंद्र खूप फायदेशीर ठरू शकतो. उत्पन्नात वाढ होऊ शकते. कुटुंबासोबत चांगला वेळ जाईल. अविवाहितांना लग्नाचा प्रस्ताव मिळू शकतो. लव्ह लाइफमधल्या अडचणी आता कमी होऊ शकतात. जोडीदारासोबत चांगला वेळ घालवता येईल. वडिलांशी चांगले संबंध राहतील. आयुष्यात आनंद येऊ शकतो.
तूळ राशी (Libra Horoscope)
या राशीच्या लोकांसाठी सूर्य-गुरुचा अर्धकेंद्र खूप फायदेशीर ठरू शकतो. या राशीचे बऱ्याच दिवसांपासून अडलेले काम आता पूर्ण होऊ शकते. आर्थिक स्थिती चांगली राहील. उत्पन्नात वाढ होऊ शकते. व्यापार करणाऱ्यांना मोठे यश मिळू शकते. पद आणि मान-सन्मान वाढू शकतो. वडील आणि गुरूंचा पूर्ण पाठिंबा मिळेल, ज्यामुळे तुम्ही तुमचे ध्येय गाठू शकता. आरोग्यही चांगले राहील.
