Today Horoscope in Marathi 1 September 2025: आज १ सप्टेंबर २०२५ रोजी भाद्रपद महिन्याच्या शुक्ल पक्षातील नवमी तिथी आहे. नवमी तिथी दुसऱ्या दिवशी म्हणजे २ सप्टेंबर रोजी सकाळी २ वाजून ४३ मिनिटांनी संपेल, त्यानंतर दशमी तिथी सुरू होईल. आज ज्येष्ठा नक्षत्र जागृत असणार आहे आणि विष्कंभ योग जुळून येणार आहे. आज राहू काळ सायंकाळी ५ वाजून ०८ मिनिटांनी सुरु होईल ते ६ वाजून ४४ मिनिपर्यंत असणार आहे. चला तर मग जाणून घेऊया सप्टेंबर महिन्यातील पहिला दिवस १२ राशींसाठी नेमका कसा जाणार आहे.

०१ सप्टेंबर २०२५ राशिभविष्य व पंचांग (1 September 2025 Horoscope in Marathi)

मेष राशिभविष्य (Aries Horoscope 1 September)

आपल्या तत्वाला थोडी मुरड घालावी लागेल. जवळचा प्रवास करताना आरोग्याची काळजी घ्या. अकल्पित घटनांना धिटाईने सामोरे जा. कार्यक्षेत्रात नवीन अधिकार मिळतील. आततायीपणा करून चालणार नाही.

वृषभ राशिभविष्य (Taurus Horoscope 1 September)

बोलण्यात खंबीरपणा ठेवावा. तुमच्याबाबत इतरांचा गैरसमज होऊ शकतो. कौटुंबिक सौख्य लाभेल. कुटुंबातील सदस्यांचे मत जाणून घ्या. मित्रांची संगत तपासून पहा.

मिथुन राशिभविष्य (Gemini Horoscope 1 September)

आवडत्या व्यक्तीची भेट होईल. काही निर्णयासाठी थांबावे लागेल. वरिष्ठांचा पाठिंबा मिळेल. व्यापारी वर्गाला भागिदारीतून लाभ मिळेल. जोडीदाराचे सक्रिय सहकार्य मिळेल.

हेही वाचा

कर्क राशिभविष्य (Cancer Horoscope 1 September)

जोडीदाराच्या मताचा विचार करा. आळसात दिवस ढकलू नका. नवीन ओळखीचा लाभ होईल. भावनिक विचार करू नका. दैनंदिन कामात चिकाटी बाळगा.

सिंह राशिभविष्य (Leo Horoscope 1 September)

डोके शांत ठेवून काम करावे. नेटाने व्यायाम करावा. मन चंचल राहील. व्यापारी वर्गाला चांगला लाभ होईल. माणसे ओळखायला शिकावे.

कन्या राशिभविष्य (Virgo Horoscope 1 September)

अधिकाराचा वापर योग्य ठिकाणी करावा. मानसिक संतुलन बिघडू देऊ नका. आहारावर नियंत्रण ठेवावे. मनातील इच्छा पूर्ण होईल. अन्यथा पोटाचे विकार त्रस्त करू शकतात.

तूळ राशिभविष्य (Libra Horoscope 1 September)

आपला दिवस आनंदात जाईल. लहान प्रवासाची शक्यता. मार्गदर्शक व्यक्तींच्या भेटीचा योग. कामातील तांत्रिक बाबी जाणून घ्याल. सर्व गोष्टींची खातरजमा करावी.

वृश्चिक राशिभविष्य (Scorpio Horoscope 1 September)

कुटुंबात अधिकार प्राप्त होईल. चांगल्या गोष्टीसाठी पैसा खर्च होईल. व्यवसाय वाढीसाठी तज्ञांचा सल्ला घ्या. महिला सहकार्‍यांची उत्तम साथ मिळेल. नवीन गोष्टी जाणून घेता येतील.

धनु राशिभविष्य (Sagittarius Horoscope 1 September)

जोडीदाराच्या सद्गुणांनी आनंद मिळेल. कर्ज फेडीचे एक पाऊल पुढे टाकाल. कामाच्या ठिकाणी तुमचा सल्ला मोलाचा ठरेल. तुमच्या सूचनांचे स्वागत केले जाईल. आरोग्याची काळजी घ्यावी.

मकर राशिभविष्य (Capricorn Horoscope 1 September)

आपल्या माणुसकीची इतरांना कल्पना येईल. धडपडया वृत्तीवर संयम ठेवावा. आहारावर नियंत्रण ठेवावे. प्रलंबित कामे पूर्ण करावीत. आजचा दिवस चांगला जाईल.

कुंभ राशिभविष्य (Aquarius Horoscope 1 September)

मानसिक प्रसन्नता लाभेल. जुन्या मित्रमंडळींशी संवाद होईल. आपल्या वागणुकीने वाहवा मिळवाल. पालकांचा सल्ला मोलाचा ठरेल. आर्थिक लाभाचे योग.

मीन राशिभविष्य (Pisces Horoscope 1 September)

घेतलेला निर्णय योग्य ठरेल. जोडीदाराशी असलेले मतभेद दूर होतील. भागीदारीतील व्यवसायातून लाभ होईल. धार्मिक आवड वाढीस लागेल. तुमच्या बोलण्याचा घरातील लोकांवर प्रभाव पडेल.

ज्योतिषी विद्याधर करंदीकर