Anant Chaturdashi 2025 : अनंत चतुर्दशी फक्त बाप्पाच्या विसर्जनासाठी नाही; तर श्री विष्णू पूजेसाठी मानली जाते खास; जाणून घ्या पूजा विधी अन् महत्त्व

अनंत चतुर्दशी २०२५ तिथी

चतुर्दशी तिथी सुरुवात: ६ सप्टेंबर २०२५ रोजी पहाटे ०३ वाजून १२ मिनिटांपासून
चतुर्दशी तिथी समाप्त: ७ सप्टेंबर २०२५ रोजी मध्यरात्री ०१ वाजून १२ मिनिटांपर्यंत

अनंत चतुर्दशी २०२५ पूजा शुभ मुहूर्त

पंचांगानुसार, अनंत चतुर्दशीला श्री विष्णूची पूजा करण्यासाठी सकाळी ६ वाजून ०२ मिनिटांपासून ते रात्री १ वाजून ४१ मिनिटांपर्यंतची वेळ शुभ आहे.

अनंत चतुर्दशी २०२५ पूजा विधी

• या दिवशी सकाळी लवकर उठून स्नान करून स्वच्छ वस्त्र परिधान करावे.
• त्यानंतर श्री विष्णूचे स्मरण करून पूजेला सुरुवात करावी.
• चौरंग किंवा पाटावर पिवळे वस्त्र टाकून श्री विष्णूंची मूर्ती किंवा फोटोची प्राणप्रतिष्ठा करावी. त्यासह तांब्याचा कलश, तुपाचा दिवा, धूप ठेवावा.
• अनंत सूत्र (धागा) तयार करावा., त्यासाठी एका धाग्याला १४ गाठी मारून, त्याला हळद आणि केशर लावावे.
• पूजेला सुरुवात झाल्यावर मूर्तीला तुळस,गंध, फुले, फळे यांचा नैवेद्य अर्पण करावा. त्यासह तयार केलेल अनंत सूत्रही अर्पण करावे.
• श्री विष्णू सहस्रनामाचा जप करून शेवटी आरती करून घ्यावी.

अनंत चतुर्दशीचे महत्त्व

आपल्याकडे अनंत चतुर्दशी या सणाची गणेश विसर्जनाचा दिवस म्हणून ओळख असली तरी त्या दिवशी भगवान विष्णू यांच्या स्मरणाला विशेष महत्त्व आहे. पौराणिक कथेनुसार अनंत चतुर्दशीचे मूळ महाभारतात आहे. हा दिवस भगवान विष्णूचा दिवस म्हणून साजरा केला जातो. भुवास, स्वर, महास, जनास, तपस, सत्य, अटल, विटाळ, सुतला, रसातला, तलातल, महातला आणि पाताळ असे १४ जग ईश्वराने निर्माण केले. त्यांचे पालन करण्यासाठी भगवान विष्णूने या जगात १४ वेगवेगळे अवतार घेतले आणि त्यामुळे भगवान विष्णूला अनंत या नावानेही ओळखले जाऊ लागले. हे सर्व जग आणि त्याच्या निर्मितीचे जतन करण्यासाठी भगवान विष्णूच्या या अवतारांनी मोठी भूमिका बजावली. त्यामुळे अनंत चतुर्दशीचा दिवस खूप महत्त्वाचा आहे.