May Born People Personality Traits : ज्योतिष शास्त्रानुसार, प्रत्येक महिन्याचे एक वेगळे महत्त्व असते. व्यक्ती कोणत्या महिन्यात जन्मलेला त्यावरून व्यक्तीचा स्वभाव आणि व्यक्तिमत्वाविषयी जाणून घेता येते. आज आपण मे महिन्यात जन्मलेल्या लोकांच्या स्वभावाविषयी जाणून घेणार आहोत. हे लोक अतिशय लोकप्रिय आणि आकर्षक स्वभावाचे असतात. त्यांनी जर एखादी गोष्ट ठरवली तर पूर्ण केल्याशिवाय राहत नाही.
या असतात राशी
जर तुमचा जन्म १ मे ते २० मे दरम्यान झालेला असेल तर तुमच्या जन्मतिथीनुसार तुमची राशी वृषभ असेल आणि जर तुमचा जन्म २१ मे ते ३१ मे दरम्यान झालेला असेल तर तुमची राशी मिथुन असेल.
- लकी नंबर – या लोकांच लकी नंबर असतो – २, ३, ७ आणि ८
- लकी रंग – या लोकांचा लकी रंग असतो – पांढरा, निळा आणि मेहेंदी रंग
- लकी दिवस – शनिवार, रविवार आणि सोमवार
- लकी स्टोन – ब्लू टोपाज
या लोकांचे व्यक्तिमत्व कसे असते?
या महिन्याला जन्मलेल्या लोकांची कल्पनाशक्ती खूप खास असते. यांची इच्छा असते की प्रत्येकाचे लक्ष यांच्याकडे असावे. हे लोक अत्यंत उत्साही असतात आणि आपल्या मनातील गोष्टी ऐकतात. साहित्य आणि कलेमध्ये हे लोक ऋची ठेवतात. हे लोक दिसायला खूप सुंदर आणि बुद्धीने तेज असतात. रोमान्सबाबत हे लोक सिद्धांत वादी असतात. या महिन्यात जन्मलेले काही लोक परंपरा वादी सुद्धा असतात. या महिन्यात जन्मलेली महिला वर्चस्व गाजवणारी असते.
या लोकांचे करिअर कसे असते?
या महिन्यात जन्मलेले लोक पायलट, डॉक्टर, पत्रकार, लेखक, इंजिनिअर किंवा यशस्वी अधिकारी बनतात. या लोकांचा ड्रेसिंग सेन्स चांगला असतो. त्यामुळे मे महिन्यात जन्मलेल्या मुली फॅशन डिझाईनर सुद्धा होतात. या महिन्यात जन्मलेल्या महिलांना खूप अहंकार असतो. लहान लहान गोष्टींवर नाराज होतात. या लोकांमध्ये प्रेम भरभरून असते पण या महिला जर एखाद्यावर नाराज झाल्या तर त्यांच्यावर पुन्हा विश्वास ठेवत नाही. या लोकांचे शत्रू अधिक असतात. हे लोक अतिशय रागीट, जिद्दी, आणि कठोर स्वभावाचे असतात. संगीत, कलामध्ये या लोकांना खूप आवड असते मे महिन्यात जन्मलेले लोक नातेसंबंधाविषयी खूप जास्त गंभीर असतात. त्यांनी जर एखाद्यावर मनापासून प्रेम केले तर आयुष्यभर त्या व्यक्तीची साथ सोडत नाही.
(टीप: वरील लेख प्राप्त माहितीवर आधारीत आहे)
