ज्योतिषशास्त्रात रत्नांना महत्त्वाचे स्थान आहे. असे मानले जाते की ग्रहांचे अशुभ प्रभाव कमी करण्यात आणि जीवन आनंदी करण्यात रत्ने महत्त्वाची भूमिका बजावतात. ज्योतिषी सांगतात की रत्नांचा प्रभाव कोणत्याही प्रकारे कमी नाही, परंतु ते धारण करण्यासाठी योग्य ग्रह, राशी आणि वेळ असणे आवश्यक आहे. अन्यथा, रत्न जितके फायदेशीर आहे, त्यापेक्षा जास्त नुकसान देऊ शकते. अशा स्थितीत जाणून घ्या कोणते रत्न घालण्यासाठी कोणते नियम सांगण्यात आले आहेत.
कोणते रत्न कधी धारण करावे?
सूर्य :
सूर्याला बलवान बनवण्यासाठी माणिक धारण करण्याचा सल्ला दिला जातो. हे रत्न धारण करण्यासाठी पुष्य योग आणि रविवार निश्चित करावा. अनामिकामध्ये सोन्याच्या अंगठीत किमान सव्वा पाच रत्तीचा माणिक घातला पाहिजे.
सामुद्रिक शास्त्र : माणसाच्या पायाची रचना त्याच्या स्वभावाविषयी सांगते बरेच काही
चंद्र :
चंद्राच्या शुभतेसाठी मोती धारण केले जातात. हे रत्न किमान सव्वा ३ रत्तीचे असावे. रोहिणी नक्षत्रात शुक्ल पक्षातील कोणत्याही सोमवारी चांदीच्या अंगठीत मोती धारण करावा.
बुध :
ज्योतिषशास्त्रातील तज्ञ बुध ग्रहाच्या शुभतेसाठी पन्ना रत्न घालण्याची शिफारस करतात. पन्नाची अनेक रूपे आहेत. त्यापैकी मोराच्या पिसासारखा पन्ना सर्वोत्तम मानला जातो. ते पारदर्शक आणि चमकदार असले पाहिजे. करंगळीमध्ये सोन्याच्या किंवा प्लॅटिनच्या अंगठीत किमान ६ रत्ती पन्ना परिधान केले पाहिजे. उत्तरा फाल्गुनी नक्षत्रात कोणत्याही बुधवारी धारण करणे चांगले मानले जाते.
खुर्चीवर बसण्याची पद्धत सांगते माणसाचे खरे व्यक्तित्त्व; स्वभाव जाणून घेण्याचा खास मार्ग
गुरू :
पिवळा पुष्कराज हे गुरूच्या शुभतेसाठी सर्वोत्तम रत्न आहे. पुष्कराज ५, ७, ९ किंवा ११ रत्तीमध्ये परिधान केले पाहिजे. तसेच गुरु-पुष्य योगात सोन्याच्या अंगठीत धारण करावे. तर्जनीमध्ये पुष्कराज धारण करणे चांगले मानले जाते.
शुक्र :
शुक्रला मजबूत करण्यासाठी हिरा सर्वात प्रभावी रत्न आहे. ते किमान दोन कॅरेटचे असावे. मृगाशिरा नक्षत्रात शुक्रवारी मध्य बोटात हिरा धारण करावा.
शनि :
शनीच्या प्रकोपापासून मुक्ती मिळवण्यासाठी नीलम रत्न उत्तम आहे. हे रत्न ५, ६, ७, ९ आणि ११ रत्तीमध्ये श्रावण नक्षत्रात कोणत्याही शनिवारी मधल्या बोटातील पंचधातु अंगठीत धारण करावे.
‘या’ राशींच्या लोकांना मिळणार शनिदेवाच्या त्रासापासून मुक्ती; जाणून घ्या यामागील कारण
राहू :
राहूच्या दोषापासून मुक्त होण्यासाठी गोमेद रत्न धारण करण्याचा सल्ला दिला जातो. उत्तरा फाल्गुनी नक्षत्रात बुधवारी किंवा शनिवारी धारण करणे शुभ असते. पंचधातुमध्ये मधल्या बोटात हे रत्न धारण करावे.
केतू :
केतूच्या अशुभ प्रभावापासून मुक्ती मिळवण्यासाठी लहसुनिया रत्न धारण केले जाते. गुरु-पुष्य योगात गुरुवारी सूर्योदयापूर्वी धारण करावे. पंचधातुसोबत मधल्या बोटातही लहसुनिया धारण करावे.
(येथे देण्यात आलेली माहिती गृहीतके आणि सामान्य माहितीवर आधारित आहे. कृपया अधिक माहितीकरिता तज्ञांशी संपर्क साधा.)
