‘या’ तारखेला जन्मलेले लोक राजासारखं जगतात जीवन! लक्ष्मीच्या कृपेने कधीच पैशांची कमी भासत नाही, पण यांना धनाचा गर्व नसतो

या तारखेला जन्मलेले असतात मूलांक ६चे लोक

कोणत्याही महिन्यात ६, १५ किंवा २४ तारखेला जन्म झालेल्या व्यक्तीचा मूलांक ६ असतो. या अंकाच्या लोकांना पैशांची अडचण कधी होत नाही. लक्ष्मीमातेला ६ नंबरचे लोक खूप प्रिय असतात.

मूलांक ६चे स्वामी ग्रह

मूलांक ६ चे स्वामी शुक्र ग्रह आहेत, जे प्रेम, भौतिक सुख, पैसा आणि सौंदर्य यांचे कारक आहेत. या मूलांकाचे लोक ऐशोआराम जास्त पसंत करतात आणि जीवनात वैभव व धन मिळवण्यात यशस्वी होतात. आर्थिकदृष्ट्या मजबूत असलेल्या या लोकांचे नशीब चमकदार असते. लक्षात ठेवा, शुक्र ग्रहाचा धनदेवता लक्ष्मीमातेशी थेट संबंध आहे.

मूलांक ६ असलेल्या लोकांचा स्वभाव

मूलांक ६ असलेले लोक आपल्या कामाबाबत उत्साही, प्रामाणिक आणि समर्पित असतात. त्यांना कधीच पैशांची कमतरता भासत नाही. ते प्रत्येक परिस्थिती हाताळतात आणि खूपच सर्जनशील असतात. कला, संगीत, फॅशन, डिझाइन किंवा मनोरंजन अशा क्षेत्रांत त्यांचा दबदबा असतो.

शुक्र ग्रहाच्या प्रभावामुळे ६ नंबर असलेल्या लोकांचे व्यक्तिमत्त्व आकर्षक होते. हे लोक लवकरच इतरांना प्रभावित करतात. समाजात हे खूप सक्रिय असतात आणि यांचे मित्र खूप असतात. हे स्वभावाने मिळून मिसळून राहणारे असतात. अतिशय नम्र आणि संवेदनशील असलेले हे लोक खूप धनवान असतात, पण त्यांना धनाचा गर्व नसतो.