Shani Vipreet Rajyog: ज्योतिष शास्त्रात शनी हा सगळ्यात हळू चालणारा ग्रह मानला जातो. त्यामुळे त्याचा प्रभाव प्रत्येक राशीच्या लोकांच्या जीवनावर पडतो. सध्या शनी मीन राशीत वक्री अवस्थेत आहे आणि या राशीत तो २०२७ पर्यंत राहणार आहे. शनी साधारणपणे एका राशीत अडीच वर्षे राहतो. त्यामुळे एका राशीत परत यायला त्याला जवळपास ३० वर्षे लागतात.
मार्च २०२५ मध्ये शनी मीन राशीत आले होते. त्यामुळे काही राशींना साडेसाती आणि ढैय्यापासून सुटका झाली, तर काही राशी त्याच्या प्रभावात आल्या. शनीच्या मीन राशीत आगमनामुळे सिंह राशीत विपरीत राजयोग तयार होत आहे. सध्या शनी वक्री अवस्थेत आहे, पण नोव्हेंबर महिन्यात शनी मार्गी होतील आणि तेव्हाही सिंह राशीत हा योग कायम राहील. त्यामुळे सिंह राशीच्या लोकांना अनेक क्षेत्रांत फायदा होऊ शकतो. चला तर मग जाणून घेऊया की जून २०२७ पर्यंत सिंह राशीला कोणत्या क्षेत्रांमध्ये लाभ मिळू शकतो…
वैदिक ज्योतिषानुसार, न्यायाचे देवता शनी यांनी २९ मार्चला मीन राशीत प्रवेश केला आणि जून २०२७ पर्यंत ते तिथेच राहतील. सध्या शनी मीन राशीत वक्री अवस्थेत आहेत आणि २८ नोव्हेंबरला सकाळी ९ वाजून २० मिनिटांनी ते मार्गी होतील. शनी मीन राशीत मार्गी झाल्यामुळे सिंह राशीच्या लोकांसाठी विपरीत राजयोग फायदेशीर ठरेल. विपरीत राजयोग तेव्हा तयार होतो जेव्हा कुंडलीतला सहावा, आठवा किंवा बारावा भावाचा स्वामी त्याच भावात गोचर करतो. अशा वेळी शनी सिंह राशीत सहाव्या भावाचे स्वामी होऊन आठव्या भावात गोचर करत आहेत, त्यामुळे विपरीत राजयोग झाला आहे.
सिंह राशी (Leo Horoscope Shani)
सिंह राशीच्या कुंडलीत शनी सहाव्या आणि सातव्या भावाचे स्वामी होऊन आठव्या भावात गोचर करत आहेत. त्याचबरोबर शनीची तिसरी दृष्टी दशम भावावर, सातवी दृष्टी धनभावावर आणि दहावी दृष्टी पंचम भावावर पडत आहे. त्यामुळे या राशीत शनी विपरीत राजयोग तयार करत आहेत. या योगामुळे आयुष्यातील जुने संघर्ष संपून आराम मिळू शकतो आणि मोठ्या यशाची चिन्हे दिसत आहेत. प्रत्येक क्षेत्रात प्रगतीची संधी वाढू शकते. शनीची दशम भावावर दृष्टी असल्यामुळे नोकरी आणि व्यवसायात विशेष फायदा होईल. पुढील अडीच वर्षे कार्यक्षेत्रात मोठे यश, स्थिर उत्पन्न आणि मान-सन्मान वाढण्याचे योग आहेत.
जमीन, घर आणि वाहनाचा आनंद मिळू शकतो. अनावश्यक खर्च कमी होतील आणि पैशांची बचत करण्यातही यश मिळेल. संततीसुखाचे योग तयार होत आहेत. विपरीत राजयोगाच्या कृपेने मित्र, कुटुंब, जोडीदार आणि मुलांसोबत आनंदी आणि संतुलित जीवन जगता येईल.
खूप दिवसांपासून चालू असलेल्या आरोग्याच्या तक्रारी आता कमी होण्याचे संकेत आहेत. बँक लोन किंवा सरकारी कर्जातूनही सुटका मिळू शकते. कोर्ट-कचेर्‍याचे किंवा कायदेशीर वादातही यश मिळू शकते. एकूणच शनीचा हा गोचर जीवनात स्थिरता, आर्थिक मजबुती आणि मानसिक शांतता देणारा ठरू शकतो.
(Disclaimer – या ठिकाणी दिलेली माहिती ज्योतिषशास्त्रावर आधारित असून ती केवळ माहितीसाठी दिली जात आहे. लोकसत्ता या गोष्टींना दुजोरा देत नाही.)
