Vastu Tips for Candles: कधी कधी आपण लाख प्रयत्न करूनही यशाच्या जवळ पोहोचू शकत नाही. कारण- अडथळा आपल्या घरातच असतो. वास्तुशास्त्रानुसार घरात लहानसहान वस्तू कुठेतरी ठेवणे ही स्थानदर्शकतेबाबतची चूक तुमच्या अपयशाला कारणीभूत ठरू शकते. चुकीच्या दिशेने ठेवलेली एक वस्तूही तुमच्या नशिबाला ब्रेक लावू शकते. आपल्यापैकी बरेच लोक वास्तुशास्त्रावर विश्वास ठेवतात. बरेच लोक घराच्या बांधकामापासून ते त्याच्या सजावटीपर्यंत सगळं काम वास्तुशास्त्रानुसार करतात. असं मानलं जाते की, जर घरात वास्तुशास्त्राच्या नियमांचं चांगल्या प्रकारे पालन केलं गेलं असेल तर त्याचा चांगला परिणाम घरातील व्यक्ती आणि त्यांच्या आयुष्यावर होतो. वास्तुशास्त्रात वस्तूंशी संबंधित असे अनेक नियम आहेत आणि त्याचा माणसाच्या सुख आणि समृद्धीशी थेट संबंध असल्याचे मानले जाते.
आपल्या जीवनातील अनेक अविभाज्य गोष्टी योग्य दिशेला ठेवल्या गेल्यास कोणत्याही गोष्टीची कमतरता भासणार नाही, असे वास्तुशास्त्रात सांगितले जाते. त्याशिवाय त्या गोष्टींबाबतच्या वास्तुशास्त्रीय नियमांचे योग्य त्या रीतीनं पालन केलं तर घरात सुख, समृद्धी आपसूकच टिकून राहते,अशी मान्यता असल्याचे म्हटले जाते. घरामधील छोट्या छोट्या गोष्टींबाबतही वास्तुशास्त्रामध्ये अनेक दिशा आणि त्यासंबंधीचे उपाय सांगण्यात आले आहेत. अशीच काहीशी माहिती मेणबत्त्यांबाबतही सांगितली गेली आहे.
चिनी वास्तूमध्ये मेणबत्त्यांचे विशेष महत्त्व आहे. आजकाल बाजारात वेगवेगळ्या डिझाइन्सच्या अनेक प्रकारच्या मेणबत्त्या उपलब्ध आहेत. घरात वेगवेगळ्या स्टाईलमध्ये मांडलेल्या वेगवेगळ्या रंगांच्या मेणबत्त्या खूप सुंदर दिसतात. त्यामुळे घरातील वातावरण सुधारते आणि ते आनंददायी बनवते. मात्र, घरात मेणबत्त्या एका विशिष्ट जागी लावण्याची पद्धत असते. मेणबत्या योग्य दिशेला लावल्यास, तुमच्या घरात सुख-समृद्धी नांदते आणि अधिक धनवृद्धी होऊ शकते, असे वास्तुशास्त्रात सांगण्यात आले आहे.
मेणबत्तीचा वापर आपण सहसा दिवे गेल्यानंतर किंवा कँडल्स लाईट डिनरसाठी करतो. पण, आपल्या वास्तूसाठीही मेणबत्तीचा वापर फार महत्त्वाचा आहे. त्यामुळे आपल्या घरातील नकारात्मक ऊर्जा दूर होते. मेणबत्त्या घरात लावल्यानं घर उजळून निघते. मेणबत्त्या लावल्याने घरात ऊर्जेचा समतोल राहतो. मेणबत्या नकारात्मक ऊर्जा काढून टाकतात आणि तिचे सकारात्मक ऊर्जेमध्ये रूपांतर करतात. असे म्हणतात की, मेणबत्त्यांमधून निघणारी ऊर्जा नकारात्मक ऊर्जा नष्ट करते, ज्यामुळे सकारात्मक ऊर्जा आपोआप वाढते. त्यामुळे घरात मेणबत्या लावणं कधीही शुभ मानलं जातं.
मात्र, मेणबत्या विशिष्ट जागी लावण्याची पद्धत असते. मेणबत्त्या ठेवण्यासाठी जागा निवडताना विशेष दक्षता घेतली पाहिजे. घराच्या पूर्व, उत्तर-पूर्व व दक्षिण दिशेला मेणबत्त्या लावल्यानं घरात सुख-समृद्धी येते, असं वास्तुशास्त्रात सांगण्यात आलं आहे.
(टीप : वरील सर्व माहिती उपलब्ध स्रोतावरून देण्यात आलेली आहे. त्याच्या तथ्यांबद्दल लोकसत्ता कोणताही दावा करीत नाही, तसेच अंधश्रद्धेला दुजोराही देत नाही.)
