केंद्रीय ‘आविष्कार’चा समारोप, राज्य आविष्कारसाठी ४८ संघांची निवड

विद्यार्थ्यांच्या संशोधन व जिज्ञासूवृत्तींना प्रोत्साहन देण्यासाठी राजभवनच्या वतीने राज्यस्तरीय आविष्कार स्पर्धेचे आयोजन करण्यात येते. त्यापूर्वी ही विद्यापीठस्तरीय स्पर्धा घेण्यात आली. विद्यापीठाच्या नाटयगृहात शनिवारी स्पर्धेचा समारोप व पारितोषिक वितरण उद्योजक विवेक देशपांडे यांच्या हस्ते करण्यात आले. अध्यक्षस्थानी प्र-कुलगुरु डॉ. वाल्मिक सरवदे होते. यावेळी कुलसचिव डॉ. प्रशांत अमृतकर, व्यवस्थापान परिषद सदस्य डॉ. गजानन सानप, प्राचार्य भारत खंदारे, ’आविष्कार’चे समन्वयक डॉ.भास्कर साठे, विद्यार्थी विकास मंडळ संचालक डॉ. कैलास अंभुरे यांची उपस्थिती होती. दोन दिवस या प्रयोगांचे सादरीकरण नाटयशास्त्र विभागातील नवीन सभागृहात झाले. कुलगुरु डॉ. विजय फुलारी मार्गदर्शनाखाली घेण्यात आलेल्या जिल्हा स्पर्धेतून निवडण्यात आलेले सहा गटातून ६२१ संशोधक स्पर्धेत सहभागी झाले. डॉ. पुरुषोत्तम देशमुख यांनी सूत्रसंचालन तर डॉ. अमोल खंडागळे यांनी आभार मानले. विजेत्या संघाची घोषणा डॉ. प्रवीण यन्नावार यांनी केली

जिल्हा यजमानांचा गौरव

युवक महोत्सवाप्रमाणेच आविष्कार स्पर्धा यंदापासून जिल्हानिहाय घेण्यात आली. १० ते २३ सप्टेंबर या काळात प्रत्येक जिल्हयात करण्यात आले. जिल्हानिहाय हि स्पर्धा छत्रपती संभाजीनगर जिल्हा- मुक्तानंद महाविद्यालय , गंगापूर : १० सप्टेंबर,जालना जिल्हा- लालबहादूर शास्त्री महाविद्यालय, परतूर _१३ सप्टेंबर , बीड जिल्हा- स्वातंत्र्यवीर सावरकर महाविद्यालय १८ :सप्टेंबर धाराशिव जिल्हा- श्रीकृष्ण महाविद्यालय, गुंजोटी (ता. उमरगा) २३ सप्टेंबर या प्रमाणे करण्यात आली. या महाविद्यालयाच्या वतीने प्राचार्य डॉ. रामराव चव्हाण , डॉ भारत खंदारे, डॉ. सुहास मोराळे, डॉ. गुलाब राठोड यांच्यासह आविष्कार समन्वयकडॉ. बी टी पवार , डॉ. राम कदम, डॉ. शैलेंद्र शेलार यांचा समारोपप्रसंगी गौरव करण्यात आला.

राज्य महोत्सवात ४८ संघ सहभागी होणार

केंद्रीय अविष्कार स्पर्धेत विजेते ठरलेले प्रत्येक गटातील आठ संघ राज्यस्तरीय स्पर्धेत सहभागी होणार आहेत. नाशिकच्या यशवंतराव चव्हाण महाराष्ट्र मुक्त विद्यापीठात दिवाळीनंतर ही स्पर्धा होणार आहे.